હળવદના માથક ગામે ઘરમાંથી દારૂની નાની મોટી 159 બોટલ ઝડપાઇ, આરોપીની શોધખોળ: માળીયા (મી) નજીકથી 300  લિટર દેશી દારૂ ભરેલ રિક્ષા પકડાઈ, આરોપી ફરાર

હળવદના માથક ગામે રહેણાંક મકાનમાં દારૂની રેડ કરવામાં આવી હતી ત્યારે ઘરમાંથી દારૂની નાની મોટી કુલ મળીને 159 બોટલ મળી આવી હોય પોલીસે 38,720 રૂપિયાની કિંમતમાં દારૂનો જથ્થો તથા ઈકો ગાડી મળીને 3,38,720 ની કિંમતનો મુદ્દામાલ કબજે કર્યો છે જોકે, રેડ કરવામાં આવી હતી ત્યારે આરોપી હાજર ન હોય હાલમાં હળવદ તાલુકા પોલીસ સ્ટેશન ખાતે ગુનો નોંધીને પોલીસે આરોપીને પકડવા માટે તજવીજ શરૂ કરેલ છે

હળવદ તાલુકાના માથક ગામે રહેતા અજય જેતપરાના રહેણાંક મકાનની અંદર દારૂનો જથ્થો હોવાની હકીકત મળી હતી જેના આધારે સ્થાનિક પોલીસ દ્વારા ત્યાં દારૂની રેડ કરવામાં આવી હતી ત્યારે સ્થળ ઉપરથી દારૂની નાની મોટી કુલ મળીને 159 બોટલો મળી આવી હતી જેથી કરીને પોલીસે 38,720 ની કિંમતનો દારૂનો જથ્થો કબજે કર્યો હતો અને ઇકો ગાડી નંબર જીજે 36 એલ 3530 જેની કિંમત 3 લાખ રૂપિયા આમ કુલ મળીને 3,38,720 ની કિંમતનો મુદ્દામાલ કબજે કરવામાં આવ્યો છે અને પોલીસ દ્વારા દારૂની રેડ કરવામાં આવી હતી ત્યારે આરોપી ઘરે હાજર ન હોય હાલમાં હળવદ તાલુકા પોલીસ સ્ટેશન ખાતે અજય રૂડાભાઈ જેતપરા રહે. માથક તાલુકો હળવદ વાળા સામે ગુનો નોંધીને પોલીસે આરોપીને પકડવા માટે તજવીજ શરૂ કરેલ છે

300  લિટર દેશી દારૂ ભરેલ રિક્ષા પકડાઈ

મોરબી કચ્છ હાઇવે રોડ ઉપર આવેલ ભીમસર ચોકડી પાસેથી પસાર થઈ રહેલ રીક્ષાને રોકવા માટેનો પોલીસે પ્રયાસ કર્યો હતો ત્યારે રિક્ષા નંબર જીજે 36 ડબલ્યુ 1179 નો ચાલક રીક્ષા મૂકીને નાસી ગયો હતો ત્યારબાદ પોલીસે રિક્ષાને ચેક કરી હતી અને ત્યારે તે રિક્ષામાં મૂકવામાં આવેલ જુદા જુદા બાચકામાંથી 300 લિટર દેશી દારૂનો જથ્થો મળી આવતા 60,000 ની કિંમતનો દારૂ તથા 1 લાખ રૂપિયાની કિંમતની રીક્ષા આમ કુલ મળીને 1.60 લાખ રૂપિયાની કિંમતનો મુદ્દામાલ કબજે કરવામાં આવ્યો છે અને હાલમાં માળિયા મીયાણા તાલુકા પોલીસ સ્ટેશન ખાતે રિક્ષાના ચાલક સામે ગુનો નોંધી પોલીસે રિક્ષાના ચાલકને પકડવા માટે તજવીજ શરૂ કરેલ છે