મોરબીના લાલપર પાસે ટ્રક કન્ટેનરના ચાલકે કારને ટક્કર મારતા વાહનમાં 60 હજારનું નુકશાન

મોરબીના લાલપર ગામ પાસે નેશનલ હાઈવે રોડ ઉપરથી વૃદ્ધ પોતાની કાર લઈને પસાર થઈ રહ્યા હતા ત્યારે ટ્રક કન્ટેનરના ચાલકે કારને ટક્કર મારી હતી અને કારના બંને દરવાજા અને ટાયરમાં અંદાજે 60,000 ની નુકસાની કરી હતી જેથી કરીને ભોગ બનેલા વૃદ્ધ દ્વારા મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુના નોંધીને આરોપીને પકડવા માટે તજવીજ શરૂ કરેલ છે

રાજકોટમાં કાલાવડ રોડ ઉપર પાણીના ટાંકાની પાછળ આર.કે.નગર મેઇન રોડ ઉપર આવેલ સૌરભ રેસીડેન્સીમાં રહેતા રાજેશભાઈ બાલકૃષ્ણભાઈ ભટ્ટ (70) નામના વૃદ્ધે ટ્રક કન્ટેનર નંબર જીજે 12 બીવી 6603 ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યું છે કે, મોરબી વાંકાનેર હાઈવે રોડ ઉપર આવેલા લાલપર ગામ પાસેથી તેઓ પોતાની કાર નંબર જીજે 3 એચકે 1943 લઈને પસાર થઈ રહ્યા હતા ત્યારે ટ્રક કન્ટેનરના ચાલકે તેઓની કારને ટક્કર મારી હતી જેથી અકસ્માતનો બનાવ બનેલ હતો જેમાં કારના બંને દરવાજામાં તથા ટાયરમાં અંદાજે 60,000 નું નુકસાન થયું છે જેથી વૃદ્ધે નોંધાવેલ ફરિયાદ આધારે પોલીસે ટ્રક કન્ટેનરમાં ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે વધુમાં મળતી માહિતી મુજબ વૃદ્ધ ચોટીલા ખાતેથી મોરબી પરત આવી રહ્યા હતા દરમિયાન લાલપર ગામ પાસે અકસ્માતમાં બનાવ બન્યો હતો જેમાં સદનસીબે કોઈ જાનહાની થયેલ નથી

અકસ્માતમાં ઇજા

ગીર સોમનાથના વાવડી ગામના રહેવાસી અબ્બાસભાઈ મોહમ્મદ ચૌહાણ (45) નામના યુવાનને માળિયા મોરબી હાઇવે રોડ ઉપર આવેલ માળિયા નજીકના પુલ પાસે અકસ્માતના બનાવમાં ઈજા થતાં તેને સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.

બાઇક સ્લીપ

હળવદમાં આવેલ ખારીવાળી રામનગરમાં રહેતા શશીકાંત પોપટભાઈ કંજારીયા (44) નામનો યુવાન બાઇક લઈને ઘરેથી કારખાના તરફ જઈ રહ્યો હતો દરમિયાન ઉમા સોસાયટી પાસે તેનું બાઈક સ્લીપ થયું હતું અને અકસ્માત થયો હતો જે બનાવમાં ઇજા પામેલા યુવાને સારવાર માટે હોસ્પિટલે લાવ્યા હતા અને ત્યાં ત્યારે સારવાર આપીને આ બનાવની પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરી હતી.