મોરબીમાં માવતરના ઘરે રહેતી પરણીતાને પતિ સહિતના છ સાસરિયાંઓ કરિયાવર બાબતે ત્રાસ
Morbi Today
હળવદના ગોલાસણ ગામ નજીક ટ્રેક્ટરનો ઓવરટેક કરવા જતા સમયે ડબલ સવારી બાઇક સ્લીપ થતા પાછળ બેઠેલો યુવાન નીચે પટકાતા ટ્રોલીનું ટાયર ફરી જવાથી યુવાનનું મોત
SHARE
JOIN OUR GROUP
હળવદના ગોલાસણ ગામ નજીક ટ્રેક્ટરનો ઓવરટેક કરવા જતા સમયે ડબલ સવારી બાઇક સ્લીપ થતા પાછળ બેઠેલો યુવાન નીચે પટકાતા ટ્રોલીનું ટાયર ફરી જવાથી યુવાનનું મોત
હળવદ તાલુકાના ઘનશ્યામપુર ગામથી ગોલાસણ ગામ તરફ જવાના રસ્તા ઉપર આગળ જઈ રહેલા ટ્રેક્ટરનો ઓવરટેક કરવા જતા સમયે ડબલ તમારી બાઇક સ્લીપ થયું હતું અને ત્યારે પાછળ બેઠેલા યુવાન રસ્તા ઉપર નીચે પટકાતા ટ્રેક્ટરની ટ્રોલીનું ટાયર તેના છાતી અને માથાના ભાગ ઉપરથી ફરી જતા તે યુવાનને ગંભીર ઇજા થઈ હોવાથી મોત નીપજ્યું હતું જે બનાવ સંદર્ભે હાલમાં બાઈક ચાલક સામે મૃતક યુવાનના પત્નીએ ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
મૂળ મધ્યપ્રદેશના રહેવાસી અને હાલમાં હળવદ તાલુકાના ગોલાસણ ગામની સીમમાં અરવિંદભાઈ માણાવદરિયાની વાડીમાં રહીને મજૂરી કામ કરતા દીનાબેન રેસલીયાભાઈ ભીલ (42) એ હાલમાં બાઈક નંબર જીજે 13 કે કે 8178 ના ચાલક અજીતભાઈ સુરેશભાઈ ધાણક સામે હળવદ તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેના જણાવ્યું છે કે હળવદ તાલુકાના ઘનશ્યામપુર ગામથી ગોલાસણ રોડ ઉપર આરોપી અજીતભાઈ ધાણક બાઈક લઈને પસાર થઈ રહ્યો હતો ત્યારે તેના બાઈકમાં પાછળના ભાગે ફરિયાદીના પતિ રેશલીયાભાઈ કલસિંહ ભીલ બેઠેલા હતા અને આગળ જઈ રહેલા ટ્રેક્ટરનો ઓવરટેક કરવા જતા સમયે આરોપીનું બાઈક સ્લીપ થયું હતું અને ત્યારે ફરિયાદીના પતિ રસ્તા ઉપર નીચે પટકાતા તેના છાતીના ભાગ ઉપરથી ટ્રેક્ટરની ટ્રોલીનું ટાયર ફરી જવાના કારણે છાતી તથા માથાના ભાગે ગંભીર થઈ હતી જેથી તેનું મોત નીપજ્યું હતું આ બનાવ સંદર્ભે હાલમાં મૃતક યુવાનના પત્નીએ નોંધાવેલ ફરિયાદ આધારે પોલીસે હાલમાં બાઈક ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે
