મોરબી રાજકોટ હાઇવે રોડ ઉપર કાર ચાલકે બાઈકને હડફેટે લેતા હાથ કપાઈ જવાથી આધેડનું મોત
SHARE
JOIN OUR GROUP
મોરબી રાજકોટ હાઇવે રોડ ઉપર કાર ચાલકે બાઈકને હડફેટે લેતા હાથ કપાઈ જવાથી આધેડનું મોત
મોરબી રાજકોટ હાઇવે રોડ ઉપર આવેલ ઓરપેટ કારખાના સામેથી આધેડ પોતાનું બાઈક લઈને પસાર થઈ રહ્યા હતા ત્યારે કાર ચાલકે તેના બાઇકને ઠોકર મારી હતી જેથી કરીને અકસ્માતનો બનાવ બન્યો હતો જે બનાવમાં આધેડને માથા તથા શરીરે ગંભીર ઇજાઓ થઈ હતી તેમજ તેઓનો જમણો હાથ કપાઈ ગયો હતો જેથી આધેડનું મોત નીપજ્યું હતું આ બનાવ સંદર્ભે હાલમાં મૃતક આધેડના ભાઈએ નોંધાવેલ ફરિયાદ આધારે પોલીસે કાર ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે
મોરબી તાલુકાના બગથળા ગામે રહેતા અનિલભાઈ પ્રાણજીવનભાઈ વાસદડીયા (50)એ હાલમાં કાર નંબર જીજે 36 એ આર 3204 ના ચાલક સામે મોરબી એ ડિવિઝન પોલીસ સ્ટેશન ખાતે ફરિયાદ નોંધાવી છે જેમાં જણાવ્યું છે કે મોરબી રાજકોટ હાઇવે રોડ ઉપર આવેલ ઓરપેટ કારખાના સામેથી તેઓના મોટા ભાઈ કિરીટભાઈ પ્રાણજીવનભાઈ વાસડિયા (54) રહે બગથળા વાળા પોતાનું બાઈક નંબર જીજે 36 એમ 5048 લઈને ટંકારા થી મોરબી તરફ આવી રહ્યા હતા ત્યારે આરોપીએ તેની કારથી ફરિયાદીના ભાઈના બાઇકને ઠોકર મારતા અકસ્માતનો બનાવ બન્યો હતો જે બનાવમાં ફરિયાદીના ભાઈને માથામાં તથા શરીરે ગંભીર ઇજા થઈ હતી અને જમણો હાથ કપાઈ જતા ગંભીર ઇજા થઈ હોવાના કારણે તેનું મોત નીપજ્યું હતું જે બનાવ સંદર્ભે મૃતક આધેડના ભાઈએ નોંધાવેલ ફરિયાદ આધારે પોલીસે કાર ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે
