મોરબી નજીક હોટલ પાસે જીવલેણ હુમલાના બનાવમાં સામાપક્ષેથી શાહરૂખે પણ ફાયરિંગ કર્યું હોવાનો ધડાકો
Morbi Today
મોરબીના જાંબુડિયા પાસે ઝૂંપડાંમાંથી દારૂની 23 બોટલ ઝપડાઈ, આરોપીની શોધખોળ: નવગામ પાસે દેશી દારૂની ભઠ્ઠી સાથે બે શખ્સ પકડાયા
SHARE
JOIN OUR GROUP
મોરબીના જાંબુડિયા પાસે ઝૂંપડાંમાંથી દારૂની 23 બોટલ ઝપડાઈ, આરોપીની શોધખોળ: નવગામ પાસે દેશી દારૂની ભઠ્ઠી સાથે બે શખ્સ પકડાયા
મોરબીના જાંબુડીયા ગામ પાસે નવી આરટીઓ ઓફિસ નજીક ઝુપડામાં દારૂની રેડ કરી હતી ત્યારે ત્યાં સ્થળ ઉપરથી દારૂની 23 બોટલ મળી આવી હતી જો કે, આરોપી હાજર ન હોય હાલમાં મોરબી તાલુકા પોલીસ સ્ટેશન ખાતે ગુનો નોંધાયો છે જ્યારે માળિયાના નવાગામ પાસે નદીના કાંઠે દેશી દારૂની ભઠ્ઠી ઉપર દારૂની રેડ કરી હતી ત્યારે 800 લીટર આથો તથા 10 લિટર તૈયાર દેશી દારૂના જથ્થા સાથે બે શખ્સની ધરપકડ કરવામાં આવી હતી.
મોરબીના જાંબુડીયા ગામની સીમમાં આવેલ નવી આરટીઓ ઓફિસ પાસે ઝૂંપડામાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની મોટી 23 બોટલ મળી આવતા પોલીસે 13,205 ની કિંમતનો મુદ્દામાલ કબજે કર્યો હતો અને પોલીસ દ્વારા રેડ કરવામાં આવી હતી ત્યારે આરોપી હાજર ન હોય હાલમાં મોરબી તાલુકા પોલીસ સ્ટેશન ખાતે રાજેશભાઈ ઉર્ફે રાજુભાઈ જાદવજીભાઈ સરાણીયા રહે. નવી આરટીઓ ઓફિસ પાસે ઝૂપડામાં જાંબુડીયા તથા તપાસમાં જેના નામ ખુલે તેની સામે ગુનો નોંધીને પોલીસે આરોપીઓને પકડવા માટે તજવીજ શરૂ કરેલ છે
માળીયા મીયાણા તાલુકાના નવાગામ પાસે નદીના કાંઠે દેશી દારૂની ભઠ્ઠી ચાલુ હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી 800 લીટર દેશી દારૂ બનાવવા માટે ઉપયોગમાં લેવામાં આવતો આથો તથા 10 લિટર દેશી દારૂ અને અન્ય મુદ્દા માલ મળીને પોલીસે 22,000 ની કિંમતનો મુદ્દામાલ કબજે કર્યો હતો અને સ્થળ ઉપરથી ઇરફાનભાઇ મોહમદહનીફ ઉર્ફે બાબાભાઈ જેડા (24) તથા સબીરભાઈ મોહમદહનીફ ઉર્ફે બાબાભાઈ જેડા (22) રહે બંને નવાગામ વાળાની ધરપકડ કરી તેની સામે માળિયા તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
દારૂના બે ચપલા
મોરબીના સનાળા રોડ ઉપર આવેલ વિનાયક હોન્ડાના શોરૂમ પાસેથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવતા તેની પાસેથી દારૂની નાની બે બોટલ મળી આવી હતી જેથી પોલીસે 240 ની કિંમતનો દારૂનો જથ્થો કબજે કરીને આરોપી રોહિતભાઈ ડાયાભાઈ ટમારીયા (32) રહે. નાના રામપર તાલુકો ટંકારા વાળાની ધરપકડ કરી હતી અને તેની સામે ટંકારા તાલુકા પોલીસ સ્ટેશન ખાતે ગુનો નોંધાયો છે.
