મોરબી નજીકથી દારૂની એક બોટલ સાથે બે શખ્સ પકડાયા, 90 હજારથી વધુનો મુદામાલ કબ્જે

મોરબી નજીક આવેલ વેદેહી ફાર્મ પાસેથી રીક્ષા પસાર થઈ રહી હતી તે રિક્ષાને રોકીને પોલીસે રિક્ષામાં જઈ રહેલા શખ્સોને ચેક કર્યા હતા ત્યારે તેની પાસેથી દારૂની એક બોટલ મળી આવી હતી જેથી કરીને દારૂ, બે મોબાઈલ અને એક રિક્ષા મળીને 90,640 નો મુદ્દામાલ કબ્જે કરીને હાલમાં બે આરોપીની ધરપકડ કરેલ છે અને માલ આપનારનું નામ સામે આવ્યું છે જેથી કરીને તેને પકડવા માટે પોલીસે આગળની કાર્યવાહી કરેલ છે.

મોરબીના રવાપર ઘુનડા રોડ ઉપર આવેલ વેદેહી ફાર્મ પાસેથી પસાર થતી રીક્ષા નંબર જીજે 36 ડબલ્યુ 3157 ને રોકીને પોલીસે ચેક કરતા રિક્ષામાં જઈ રહેલા બે શખ્સો પાસેથી દારૂની એક બોટલ મળી આવી હતી જેથી પોલીસે 640 ની કિંમતની દારૂની બોટલ તથા 50,000 રૂપિયાની કિંમતની રીક્ષા અને 40,000 રૂપિયાની કિંમતના બે મોબાઈલ ફોન આમ કુલ મળીને 90,640 ની કિંમતના મુદ્દામાલ સાથે પોલીસે શાહરૂખ અલ્લારખા શાહમદાર (33) રહે. કુબેર નાથ રોડ ગ્રીન ચોક પાસે મોરબી તથા સબીર ગફારભાઈ મોવર (30) રહે. કાલિકા પ્લોટ સાયન્ટિફિક રોડ મોરબી વાળાની ધરપકડ કરી હતી અને તેની પ્રાથમિક દરમિયાન દારૂની આ બોટલ સમીર રફીકભાઈ પલેજા રહે. કાલિકા પ્લોટ શેરી નં. 6 મોરબી વાળા પાસેથી મેળવી હોવાનું સામે આવતા પોલીસે ત્રણેય સામે ગુનો નોધીને ત્રીજા આરોપીને પકડવા માટે તજવીજ શરૂ કરેલ છે.