ટંકારાના અમરાપર રોડે રિક્ષા ચાલકે બાઇકને હડફેટે લેતા ઇજા પામેલા યુવાનનું મોત

ટંકારાના અમરાપર રોડ ઉપર આવેલ એચ.પી. પોટરી ફાર્મ પાસેથી પસાર થઈ રહેલ બાઈકને રિક્ષાના ચાલકે હડફેટે લેતા અકસ્માતનો બનાવ બન્યો હતો જે બનાવમાં બાઇક ચાલક યુવાનને માથા તથા શરીરે ઇજા થઈ હતી જેથી તેનું મોત નીપજયું હતું જે બનાવો સંદર્ભે હાલમાં મૃતક યુવાનના પત્નીએ નોંધાવેલ ફરિયાદ આધારે પોલીસે રિક્ષાચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

ટંકારાના નવા અમરાપર ગામે રહેતા કમળાબેન અરવિંદભાઈ મકવાણા (44)એ હાલમાં રિક્ષા નંબર જીજે 3 બીયું 8635 ના ચાલક યાકુબભાઇ અલીભાઇ બાદી રહે. અમરાપર વાળા સામે ફરિયાદ નોંધાવેલ છે જેમાં જણાવ્યુ છે કે, ટંકારાના અમરાપર રોડ ઉપર આવેલ એચપી પોટરી ફાર્મ પાસેથી તેઓના પતિ અરવિંદભાઈ છગનભાઈ મકવાણા પોતાનું બાઈક નંબર જીજે 3 બીડી 8950 લઈને ટંકારાથી અમરાપર તરફ આવી રહ્યા હતા દરમિયાન રીક્ષા ચાલકે તેઓના બાઇકને હડફેટ લેતા અકસ્માતનો બનાવ બન્યો હતો જે બનાવમાં ફરિયાદીના પતિને માથા અને શરીરે ગંભીર ઇજા થઈ હોવાથી તેનું મોત નીપજ્યું હતું અને અકસ્માતના આ બનાવ સંદર્ભે હાલમાં મૃતક યુવાનના પત્નીએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે