હળવદના ગોલાસણ ગામે ઘરમાં જુગાર રમતા બે મહિલા સહિત 6 પકડાયા

હળવદના ગોલાસણ ગામે રહેણાંક મકાનમાં જુગાર રમતા હોવાની હકીકત મળી હતી જેના આધારે સ્થાનિક પોલીસ દ્વારા ત્યાં જુગારની રેડ કરવામાં આવી હતી ત્યારે સ્થળ ઉપરથી બે મહિલા સહિત કુલ 6 વ્યક્તિ જુગાર રમતા મળી આવ્યા હતા જેથી પોલીસે 62,300 ની રોકડ સાથે તેની ધરપકડ કરી હતી અને હળવદ તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

હળવદ તાલુકા પોલીસની ટીમ પેટ્રોલિંગમાં હતી ત્યારે ગોલાસણ ગામે રહેતા ટીનાબેન રાયધનભાઈ ખાંભળીયાના મકાનમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા ઘરધણી ટીનાબેન રાયધનભાઈ ખાંભળીયા તથા મીનાબેન મનસુખભાઈ બોરાણીયા રહે. બાવળી ધાંગધ્રા તેમજ મનસુખભાઈ હીરાભાઈ બોરાણીયા રહે. બાવળી ધાંગધ્રા, સંજયભાઈ ગેલાભાઈ ખાંભળીયા રહે. ગોલાસણ, જયંતીભાઈ કેશાભાઈ વરાણીયા રહે. જુના ઇસનપુર અને દીપકભાઈ કેસાભાઈ વરાણીયા રહે. જુના ઇસનપુર વાળા જુગાર રમતા મળી આવ્યા હોય પોલીસે તેની પાસેથી 62,300 ની રોકડ કબજે કરી હતી અને હળવદ તાલુકા પોલીસ સ્ટેશન ખાતે જુગારધારા હેઠળ ગુનો નોંધીને પોલીસ આગળની કાર્યવાહી હાથ ધરી છે.