હળવદના રાણેકપર ગામે સરપંચના પતિની દુકાનમાંથી 1,632 બોટલ દારૂ ઝડપાયો, મોરબીના વાંકડા ગામ નજીકથી રેઢી મળેલ કારમાંથી 800 લીટર દેશી દારૂ ઝડપાયો
SHARE
JOIN OUR GROUP
હળવદના રાણેકપર ગામે સરપંચના પતિની દુકાનમાંથી 1,632 બોટલ દારૂ ઝડપાયો, મોરબીના વાંકડા ગામ નજીકથી રેઢી મળેલ કારમાંથી 800 લીટર દેશી દારૂ ઝડપાયો
હળવદ તાલુકાના રાણેકપર ગામે સરપંચના પતિની દુકાનમાં દારૂનો જથ્થો હોવાની ચોક્કસ હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની નાની મોટી 1632 બોટલ વળી આવતા 6,86,052 ની કિંમતનો દારૂનો જથ્થો કબજે કર્યો હતો અને આરોપી સ્થળ ઉપર હાજર ન હોય તેની સામે હળવદ તાલુકા પોલીસ સ્ટેશન ખાતે ગુનો નોંધાયો છે જ્યારે મોરબીના વાંકડા ગામ પાસેથી મહેન્દ્ર કંપનીની 300 tuv કાર રેઢી મળી આવી હતી જેને પોલીસ દ્વારા ચેક કરવામાં આવતા તેમાંથી 800 લીટર દેશી દારૂનો જથ્થો મળી આવતા પોલીસે દારૂ અને કાર મળીને 5.60 લાખનો મુદ્દામાલ કબજે કર્યો છે અને કારના ચાલક સામે મોરબી તાલુકા પોલીસ સ્ટેશન ખાતે ગુનો નોંધી આરોપીને પકડવા માટે તજવીજ શરૂ કરેલ છે
હળવદ તાલુકાના રાણેકપર ગામના મહિલા સરપંચના પતિ તથા ગામના અગ્રણી રાજકુમાર ઉડેચાના કબજા વાળી દુકાનમાં દારૂનો જથ્થો હોવાની ચોક્કસ હકીકત સ્થાનિક પોલીસને મળી હતી જેના આધારે પોલીસ દ્વારા ત્યાં દુકાનમાં દારૂની રેડ કરવામાં આવી હતી ત્યારે સ્થળ ઉપરથી દારૂની નાની મોટી કોઈ મળીને 1632 બોટલો મળી આવતા પોલીસે 6,86,052 ની કિંમતનો દારૂનો જથ્થો કબજે કર્યો હતો અને પોલીસ દ્વારા દારૂની રેડ કરવામાં આવી હતી ત્યારે આરોપી સ્થળ ઉપર હાજર ન હોવાથી હાલમાં હળવદ તાલુકા પોલીસ સ્ટેશન ખાતે રાજકુમાર ઉર્ફે રાજુ નવઘણભાઈ ઉડેચા રહે. રાણેકપર વાળાની સામે ગુનો નોધીને પોલીસે આરોપીને પકડવા માટે તજવીજ શરૂ કરેલ છે આ કામગીરી હળવદના પીઆઇ આર.ટી.વ્યાસની સૂચના મુજબ સ્ટાફ દ્વારા કરવામાં આવી હતી
મોરબી તાલુકાના વાંકડા ગામની સીમમાં કાચા રસ્તેથી મહેન્દ્ર કંપનીની નંબર પ્લેટ વગરની tuv 300 કાર રેઢી મળી આવી હતી અને તેમાં દારૂનો જથ્થો હોવાની ચોક્કસ હકીકત મળી હતી જેથી પોલીસ દ્વારા તે કારને ચેક કરવામાં આવતા તેમાંથી 800 લીટર દેશી દારૂ મળી આવ્યો હતો જેથી પોલીસે 1.60 લાખ રૂપિયાનો દારૂ તથા 4 લાખ રૂપિયાની કિંમતની ગાડી અનુકૂળ મળીને 5.60 લાખ રૂપિયાની કિંમતનો મુદ્દા માલ પોલીસ દ્વારા કબજે કરવામાં આવ્યો હતો. જોકે પોલીસ દ્વારા રેડ કરવામાં આવી હતી ત્યારે કાર રેઢી મળી આવી હતી જેથી કરીને હાલમાં કારના ચાલક સામે મોરબી તાલુકા પોલીસ સ્ટેશન ખાતે ગુનો નોંધીને પોલીસ આરોપીને પકડવા માટે તજવીજ શરૂ કરેલ છે આ કામગીરી મોરબી તાલુકા પોલીસ સ્ટેશનના પીઆઇ એન.એસ. ઘેટિયાની સૂચના મુજબ સ્ટાફ દ્વારા કરવામાં આવી હતી
