મોરબીના રફાળેશ્વર નજીકથી ચોરી કરવામાં આવેલ રિક્ષા સાથે જાખર ગામના પાટીયા પાસેથી ગવરીદળનો શખ્સ પકડાયો
Morbi Today
મોરબીમાં સફાઈકર્મીઓ માટે જાગૃતિ કાર્યક્રમ યોજાયો
SHARE
JOIN OUR GROUP
મોરબીમાં સફાઈકર્મીઓ માટે જાગૃતિ કાર્યક્રમ યોજાયો
મોરબી જિલ્લા મહિલા અને બાળ વિકાસ અધિકારીની કચેરીના માર્ગદર્શન હેઠળ સોલિડ વેસ્ટ મેનેજમેન્ટ શાખાના સફાઈકર્મીઓ માટે જાગૃતિ કાર્યક્રમનું આયોજન કરવામાં આવ્યું હતું. આ કાર્યક્રમ દરમિયાન સફાઈકર્મીઓને મહિલાઓ અને બાળકોના અધિકારો, વિવિધ સરકારી કલ્યાણકારી યોજનાઓ, વ્યક્તિગત સ્વચ્છતા, આરોગ્ય જાળવણી, કાર્યસ્થળે સુરક્ષા તેમજ સામાજિક જાગૃતિ જેવા મહત્વપૂર્ણ વિષયો અંગે માર્ગદર્શન આપવામાં આવ્યું હતું. આ ઉપરાંત, સફાઈકર્મીઓને પોતાના અધિકારો અને ફરજો અંગે માહિતગાર કરી સુરક્ષિત અને સ્વસ્થ જીવનશૈલી અપનાવવા માટે પ્રેરિત કરવામાં આવ્યા હતા. આ કાર્યક્રમમાં ઉપસ્થિત અધિકારીઓએ જણાવ્યું હતું કે આવા જાગૃતિ કાર્યક્રમો દ્વારા સફાઈકર્મીઓમાં આરોગ્ય, સુરક્ષા અને સામાજિક જવાબદારી અંગે જાગૃતિ વધે છે તેમજ તેઓ સરકારી યોજનાઓનો વધુ અસરકારક લાભ મેળવી શકે છે. આ કાર્યક્રમમાં મોટી સંખ્યામાં સફાઈકર્મીઓએ હાજરી આપી હતી અને માર્ગદર્શનનો લાભ લીધો હતો
