મોરબીના ધરમનગરમાં બીજા માળ ઉપરથી નીચે પટકાતાં ઇજા પામેલા વૃદ્ધનું મોત
SHARE
JOIN OUR GROUP
મોરબીના ધરમનગરમાં બીજા માળ ઉપરથી નીચે પટકાતાં ઇજા પામેલા વૃદ્ધનું મોત
મોરબીના રાજપર રોડ ઉપર આવેલ ધરમનગર સોસાયટીમાં ભાઈના ઘરે આવેલા વૃદ્ધને માનસિક બીમારી હતી અને તે બીજા માળ ઉપરથી નીચે પટકાતાં તેઓને ગંભીર ઇજા થઈ હોવાથી વૃદ્ધને સારવાર માટે રાજકોટ સુધી લઈ ગયા હતા જો કે, તેઓનું સારવાર દરમ્યાન મોત નીપજયું હતું.
મોરબીના રાજપર રોડ ઉપર આવેલ ધરમનગર સોસાયટીમાં રહેતા સંજયભાઈ અમૃતલાલ સિંધવ (60) ને છેલ્લા ત્રણ ચાર મહિનાથી માનસિક બીમારી હોય તેવો ગઈકાલે સવારે 9:00 વાગ્યાના અરસામાં તેમના ભાઈ હિતેશભાઈના ઘરે હતા અને ત્યારે બીજા માળે છત ઉપરથી નીચે પટકાવાના કારણે તેમને ગંભીર ઇજા થઈ હતી જેથી પહેલા સારવાર માટે મોરબીને ત્યાંથી વધુ સારવાર માટે તેને રાજકોટ સુધી લઈ ગયા હતા જોકે સારવાર કારગત ન નિવડતાં તેમનું મોત નીપજ્યું હતું અને આ બનાવની હોસ્પિટલ મારફતે મોરબી એ ડિવિઝન પોલીસ સ્ટેશન ખાતે જાણ કરવામાં આવતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે
12 બોટલ દારૂ
મોરબી તાલુકાના સાપર ગામની સીમમાં પાવળીયારી કેનાલ નજીક તાલુકા પોલીસ દ્વારા દારૂની રેડ કરવામાં આવી હતી ત્યારે ત્યાં સ્થળ ઉપરથી દારૂની નાની 12 બોટલ સાથે કિશોરભાઈ બચુભાઈ બાળોદરા કોળી (37) રહે. દિવ્યા પાર્ક હળવદ મૂળ રહે.જોગડ વાળો મળી આવતા પોલીસે તેની પાસેથી 1080 ની કિંમતના દારૂ સાથે તેની ધરપકડ કરી હતી અને મોરબી તાલુકા પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે. #morbi #મોરબી
