હળવદ તાલુકાનાં બ્રાહ્મણી-2 ડેમનો 1 દરવાજો 3 ઇંચ ખોલ્યો

હળવદના સુસવાવ ગામ નજીક આવેલ બ્રાહ્મણી-2 ડેમ રૂલ લેવલ સુધી 100 ટકા ભરાઈ ગયો છે જેથી કરીને સિંચાઇ વિભાગ દ્વારા ડેમનો એક દરવાજો 3 ઇંચ સુધી ખોલવામાં આવ્યો છે. અને દરવાજો ખોલતા પહેલા ડેમની નીચેના વિસ્તારમાં આવતા 9 ગામોના લોકોને એલર્ટ કરવામાં આવ્યા હતા.

હળવદના બ્રાહ્મણી-2 ડેમના કેચમેટ વિસ્તારમાં 125 એમએમ જેટલો વરસાદ પડ્યો છે જેથી કરીને ડેમમાં પાણીની સતત આવક થઈ રહી છે. અને હાલમાં ડેમ રૂલ લેવલ સુધી 100 ટકા ભરાઈ ગયેલ છે. જેથી ડેમમાં પાણીની આવક સામે જાવકને શરૂ કરવામાં આવેલ છે. અને અધિકારીના જણાવ્યા અનુસાર હાલમાં ડેમનો 1 દરવાજો 3 ઇંચ ખોલવામાં આવ્યો છે. અને ડેમાંથી નદીમાં છોડવામાં આવી રહ્યું છે. જો કે, નદીમાં પાણી છોડતા પહેલા નીચેના વિસ્તારમાં આવતા 9 ગામના લોકોને નદીના પટમાં અવર-જવર ન કરવા માટે એલર્ટ કરવામાં આવેલ છે અને આ નવ ગામના સુસવાવ, કેદારીયા, ધનાળા, રાયસંગપુર, મયુરનગર, મિંયાણી, ચાડધ્રા, ટીકર અને માનગઢનો સમાવેશ થાય છે.