હળવદમાં બુધવારે નકલંક નેજાધારી રામામંડળ (તોરણીયા)નું ભવ્ય આયોજન

હળવદમાં જીગ્નેશ ગુણવંતરાય રાવલના સ્મરણાર્થે તા. 23 સપ્ટેમ્બર, 2026 ભાદરવા સુદ બારસને બુધવારના રોજ નકલંક નેજાધારી રામામંડળ (તોરણીયા)નું ભવ્ય ધાર્મિક આયોજન કરવામાં આવ્યું છે. અને કુળદેવી ખંભલાય માતાજીની અસીમ કૃપા તેમજ બાર બીજના ધણી બાબા રામદેવપીરના આશીર્વાદ સાથે યોજાનારા આ ધાર્મિક પ્રસંગને લઈને આયોજકો દ્વારા તૈયારીઓને આખરી ઓપ આપવામાં આવી રહ્યો છે.

આ કાર્યક્રમમાં હળવદમાં રેલ્વે સ્ટેશન રોડ ઉપર આવેલ લોહાણા મહાજન વાડી રાખવામા આવ્યું છે અને રાતે 8:30 કલાકે રામા મંડળનું આયોજન કરવામાં આવ્યું છે. જેથી કાર્યક્રમમાં ઉપસ્થિત રહી, દર્શન તેમજ રામામંડળનો લાભ લેવા આયોજકોએ આમંત્રણ આપ્યું છે. વધુમાં માહિતી આપતા આયોજકોએ જણાવ્યુ છે કે, તા. 23 ના રોજ બપોરે 3:45 કલાકે આગમન, બપોરે 4:00 કલાકે શ્રી રામદેવપીરના સામૈયા અને રાત્રે 9:00 કલાકે સુપ્રસિદ્ધ નકલંક નેજાધારી રામામંડળ (તોરણીયા) દ્વારા રામા મંડળ રમશે. અને રામદેવપીરના સામૈયા ખોડીયાર માતાજી મંદિર, કુંભારપરા ખાતેથી કરવામાં આવશે. આ કાર્યક્રમમાં દલસુખરામ બાપુ, મહંત નકલંક ગુરુધામ (શક્તિનગર) દ્વારા આશીર્વાદરૂપ વચન આપવામાં આવશે. જ્યારે ધારાસભ્ય પ્રકાશભાઈ વરમોરા સહિતના રાજકીય અને સામાજિક આગેવાનો હાજર રહેશે. આ કાર્યક્રમમાં મિલન કાકડીયા, ગગુડિયો, હીતેશરા પ્રજાપતિ, જયદીપસિંહ જાડેજા તથા ગ્રુપ દ્વારા કલાકાર તરીકે સેવા આપવામાં આવશે. આ સમગ્ર ધાર્મિક આયોજન માટે મયુર ગુણવંતરાય રાવલ દ્વારા ભાવિકોને હાર્દિક આમંત્રણ પાઠવવામાં આવ્યું છે.