મોરબીમાંથી ૨૫ હજારના બાઇકની ચોરી
SHARE
JOIN OUR GROUP
મોરબીમાંથી ૨૫ હજારના બાઇકની ચોરી
મોરબી વાંકાનેર હાઇવે ઉપર આવેલ શક્તિ ચેમ્બરના પાર્કિંગમાં યુવાને પોતાનું બાઈક પાર્ક કરીને મૂક્યું હતું ત્યારે બે શખ્સોએ બાઇકની ચોરી કરી ગયેલ છે જેથી કરીને ભોગ બનેલા યુવાને બી ડિવિઝન પોલીસ સ્ટેશન ખાતે બાઈક ચોરીની ફરિયાદ નોંધાવતા પોલીસે ગુનો નોંધીને આરોપીઓને પકડવા માટે તજવીજ શરૂ કરી છે.
બનાવની જાણવા મળતી વિગત મુજબ મોરબીના રવાપર રોડ પર ગોલ્ડન માર્કેટ ની સામે ઉમિયાનગર મારુતિ નંદન એપાર્ટમેન્ટમાં ફલેટ નંબર 604 માં રહેતા મનીષભાઈ ત્રિભોવનભાઇ વડાલીયા જાતે પટેલ (ઉંમર વર્ષ 40) એ હાલમાં જીતેન્દ્ર ઉર્ફે જીતુ ભરતભાઈ પારઘી રહે થાન અને સંજય પ્રવીણભાઈ પરમાર રહે, થાન વાળ ની સામે બાઈક ચોરીની ફરિયાદ નોંધાવી છે જેમાં તેણે જણાવ્યું છે કે મોરબી-વાંકાનેર હાઇવે ઉપર શક્તિ ચેમ્બર-1 ના પાર્કિંગમાં તેણે પોતાનું બાઇક નંબર જીજે 36 એ 2646 ને પાર કરીને મૂક્યુ હતુ ત્યારે આ બન્ને શખ્સો તેના બાઇકની ચોરી કરી ગયેલ છે જેથી કરીને 25 હજાર રૂપિયાની કિંમતના બાઇકની ચોરી થઇ હોવાની ફરિયાદ નોંધાવતા પોલીસે ગુનો નોંધીને બંને આરોપીઓને પકડવા માટે તજવીજ શરૂ કરી છે.
