હળવદના ગોલાસણમાં ઘરમાં જુગાર રમતા ૧૧ જુગારી ૧૦,૨૦૦ ની રોકડ સાથે ઝડપાયા
SHARE
JOIN OUR GROUP
હળવદના ગોલાસણમાં ઘરમાં જુગાર રમતા ૧૧ જુગારી ૧૦,૨૦૦ ની રોકડ સાથે ઝડપાયા
હળવદ તાલુકાના ગોલાસણ ગામે રહેણાંક મકાનમાં જુગાર રમતા હોવાની બાતમી મળી હતી જેના આધારે તાલુકા પોલીસે ટીમ દ્વારા જુગારની રેડ કરવામાં આવતાં ઘરઘણી સહિત કુલ મળીને ૧૧ શખ્સો ઘરમાં જુગાર રમતા મળી આવ્યા હતા જેથી તેની પાસેથી પોલીસે ૧૦,૨૦૦ રૂપિયાની કિંમતનો મુદ્દામાલ કબજે કરીને જુગારધારા હેઠળ ગુનો નોંધી આગળની રાબેતા મુજબની કાર્યવાહી હાથ ધરી હતી.
જાણવા મળતી વિગતો પ્રમાણે મોરબી જિલ્લાના હળવદ તાલુકાના ગોલાસણ ગામે રહેતા વિપુલભાઈ વિક્રમભાઈ જીંજરિયાના રહેણાંક મકાનમાં બહારથી માણસો બોલાવીને નાળ ઉઘરાવીને જુગાર રમાડવામાં આવે છે તેવી બાતમી હળવદ તાલુકા પોલીસને મળી હતી જેથી કરીને પોલીસે વિપુલભાઈ વિક્રમભાઈ જીંજરિયાના ઘરની અંદર જુગારની રેડ કરી હતી ત્યારે ઘરઘણી વિપુલભાઈ વિક્રમભાઈ જીંજરિયાના, મેરાભાઈ ચંદુભાઇ ખાંભડિયા, અશોકભાઇ મનુભાઇ ઉકેડિયા, કેશાભાઇ રામજીભાઇ સુરેલા, ભરતભાઈ હમીરભાઇ સુરેલા, રણજીતભાઈ જેરામભાઈ રાતૈયા, માનસિંગ ઉરદે પ્રવીણભાઈ મનુભાઈ સુરેલા, ધીરુભાઈ વિરમભાઈ ખેર, સુખાભાઈ અમરશીભાઈ ખાંભડિયા, ભુપતભાઈ ઉર્ફે હકો અમરશીભાઈ ખાંભડિયા અને વિજયભાઈ હેમુભાઈ કોળી જુગાર રમતા મળી આવ્યા હતા જેથી કરીને પોલીસે તેઓની પાસેથી ૧૦,૨૦૦ રૂપિયાની રોકડ કબજે કરી તેઓની સામે જુગારધારા હેઠળ ગુનો નોંધી આગળની કાર્યવાહી હાથ ધરી હતી.
જુગાર
વાંકાનેર તાલુકાના રાતાવિરડા રોડ ઉપર પ્રેડાઈ સિરામિક પાસે જાહેરમાં ચલણી નોટના આધારે જુગાર રમતા હોવાની બાતમી મળી હતી જેના આધારે પોલીસે ત્યાં રેડ કરતા બળદેવભાઈ ચોથાભાઈ ભવાણિયા જાતે કોળી (ઉંમર ૨૭) રહે, રાતાવિરડા અને નવઘણભાઈ ભગાભાઈ ડાંગરોચા જાતે કોળી (ઉંમર ૩૩) રહે, વીરપર વાળા જુગાર રમતા મળી આવ્યા હતા માટે પોલીસે ૩૦૦ રૂપિયાની રોકડ તેની પાસેથી કબજે કરી જુગારધારા હેઠળ ગુનો નોંધી આગળની કાર્યવાહી હાથ ધરી હતી.
