મોરબી જીલ્લામાં ખેલ મહાકુંભ માટે ઓનલાઇન રજીસ્ટ્રેશન ચાલુ
SHARE
JOIN OUR GROUP
મોરબી જીલ્લામાં ખેલ મહાકુંભ માટે ઓનલાઇન રજીસ્ટ્રેશન ચાલુ
ગુજરાત સરકારના રમત-ગમત યુવા અને સાંસ્કૃતિક પ્રવૃતિઓ વિભાગ, ગાંધીનગર અને સ્પોર્ટ્સ ઓથોરીટી ઓફ ગુજરાત, ગાંધીનગરના ઉપક્રમે ગુજરાત રાજ્યના તમામ જિલ્લાઓમાં ખેલમહાકુંભ -૨૦૨૧નું આયોજન કરવામાં આવનાર છે. આ ખેલ મહાકુંભનો મુખ્ય ઉદ્દેશ રમતગમતનું વાતાવરણ ઉભું થાય અને ખેલદિલીને આગળ વધારવા તથા ગામ, શહેર, તાલુકા, જિલ્લા અને રાજ્ય લેવલે ખેલાડીઓની પ્રતિભા વધે તેમજ શારીરિક સ્વાસ્થ્ય ને તંદુરસ્ત રાખવાનો છે.
આ ખેલ મહાકુંભમાં ખેલાડીઓ ભાગ લે તે હેતુથી શાળા/ગ્રામ્ય કક્ષાથી લઇને તાલુકા કક્ષા, જિલ્લા કક્ષા અને રાજ્ય કક્ષાએ વિવિધ-૨૯ રમતોનો ૪(ચાર) વય જુથ અં-૧૧, અં-૧૪, અં-૧૭, ઓપન એઇઝ ગૃપ (૧૭ થી ૪૫ વર્ષ સુધી)ના વયજુથમાં સમાવેશ કરી આયોજન કરવામાં આવનાર છે. શાળામાં અભ્યાસ કરતા ખેલાડીઓએ જે તે શાળામાંથી ફરજીયાત રજીસ્ટ્રેશન કરવાનું રહેશે. આ ખેલ મહાકુંભમાં ભાગ લેવા માટે ઓનલાઇન રજીસ્ટ્રેશન https://khelmahakumbh.gujarat.gov.in વેબસાઈટ પર શરૂ કરવામાં આવેલ છે. તેમ જિલ્લા રમત ગમત અધિકારી મોરબી ની યાદીમાં જણાવેલ છે.
