મોરબીમાં ઉભરાતી ગટરના પાણીમાં દારૂની બોટલ !, પાલિકા-પોલીસની કામગીરી શંકાસ્પદ: રમેશ રબારી
Morbi Today
મોરબીના ત્રાજપરમાં જુગાર રમતી છ મહિલા ઝડપાઇ
SHARE
JOIN OUR GROUP
મોરબીના ત્રાજપરમાં જુગાર રમતી છ મહિલા ઝડપાઇ
મોરબી શહેરના ત્રાજપર વિસ્તારની અંદર જાહેરમાં જુગાર રમતા હોવાની બાતમી મળી હતી જેના આધારે પોલીસે રેડ કરી હતી ત્યારે છ મહિલાઓ જુગાર રમતી હોય તેની પાસેથી પોલીસે રોકડા ૫૧૫૦ કબજે કરીને તેની સામે જુગારધારા હેઠળ ગુનો નોંધી આગળની કાર્યવાહી હાથ ધરી છે
જાણવા મળતી વિગત પ્રમાણે મોરબીના ત્રાજપર વિસ્તારની અંદર જાહેરમાં જુગાર રમતા હોવાની પોલીસને બાતમી મળી હતી જેના આધારે પોલીસે જુગારની રેડ કરી હતી ત્યારે ત્યાંથી ગીતાબેન લાલજીભાઈ કોળી (ઉંમર ૪૦), શારદાબેન ગણેશભાઈ કોળી (ઉંમર ૩૬), વિજયાબેન જગદિશભાઈ કોળી (ઉંમર ૩૬), મંજુબેન જયસુખભાઇ કોળી (ઉંમર ૫૩), ભાવનાબેન અશોકભાઈ કોળી (ઉંમર ૪૦) અને વર્ષાબેન બચુભાઈ કોળી (ઉંમર ૩૩) જાહેરમાં જુગાર રમતા મળી આવ્યા હોય તેની પાસેથી પોલીસે ૫૧૫૦ રૂપિયાની રોકડ કબજે કરી આગળની કાર્યવાહી હાથ ધરી છે
દેશી દારૂની ભઠ્ઠી
વાંકાનેરના વિરપર ગામની સીમમાં કારખાનાની સામેના ભાગમાં પડતર પડેલી જમીનમાં દેશી દારૂની ભઠ્ઠી ચાલુ હોવાની બાતમી મળી હતી જેના આધારે સ્થાનિક પોલીસ દ્વારા રેડ કરવામાં આવી હતી ત્યારે સ્થળ ઉપરથી દેશી દારૂ બનાવવા માટે ઉપયોગમાં લેવામાં આવતા ૮૦૦ લિટર આથો અને અન્ય સાધન સામગ્રી જેમાં ગેસનો બાટલો, ગેસનો ચૂલો વિગેરે મળીને પોલીસે ૩૨૦૦ રૂપિયાનો મુદામાલ કબજે કર્યો છે અને આ ભટ્ઠી સાગર રમેશભાઇ ડાંગરેચા જાતે કોળી રહે. વીરપર વાળાની હોવાનું સામે આવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
