મોરબી નજીક અજંતા ક્લોક પાસે કાર ચાલકે બાઇકને હડફેટે લેતા ભાઈની નજર સામે ભાઇનું મોત
SHARE
JOIN OUR GROUP
મોરબી નજીક અજંતા ક્લોક પાસે કાર ચાલકે બાઇકને હડફેટે લેતા ભાઈની નજર સામે ભાઇનું મોત
મોરબી રાજકોટ હાઇવે ઉપર અજંતા ક્લોક પાસેથી પસાર થતાં ડબલ સવારી બાઇકને કાર ચાલકે અડફેટે લીધું હતું જેથી કરીને અકસ્માત સર્જાયો હતો અને બાઇક ઉપર જય રહેલા બે સગા ભાઈમાંથી એકનું મોત નીપજયું છે જેથી તેના મૃતદેહને મોરબી સિવિલ હોસ્પિટલ ખાતે ખસેડવામાં આવ્યો હતો અને અકસ્માતના આ બનાવની મોરબી પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી
બનાવની જાણવા મળતી માહિતી મુજબ ટંકારા તાલુકાનાં નસીતપર ગામે પાસે આવેલ બાલાજી ઇન્ડસ્ટ્રીજના લેબર ક્વાટરમાં હાલમાં રહેતા મૂળ મહીસાગર જિલ્લાના રહેવાસી વિપુલ ભારતભાઇ સંગાડા જાતે આદિવાસી (ઉ.૨૪) એ હાલમાં કાર નંબર જીજે ૩૬ આર ૩૫૧૮ ના ચાલકની સામે ફરિયાદ નોંધાવી છે જેમાં તેને જનવ્યું છે કે, મોરબી રાજકોટ હાઈવે અજતા ક્લોકની સામે ગેટ પાસેથી તે બંને ભાઈ બાઇક નંબર જીજે ૩ એજે ૬૦૩૭ લઈને જતાં હતા ત્યારે કાર નંબર જીજે ૩૬ આર ૩૫૧૮ ના ચાલકએ તેઓના બાઇકને અંજતા પાસે પાછળથી હડફેટે લીધું હતું જેથી કરીને તેના મોટાભાઇ ઉમેશકુમાર ભારતભાઇ સંગાડા જાતે આદિવાસી (ઉ.૨૮)ને માથાના ભાગે તથા ખંભાના ભાગે ગંભીર ઇજા થઈ હતી અને તેનું મુત્યુ નીપજયું છે જેથી પોલીસે મૃતકના ભાઈની ફરિયાદ લઈને કાર ચાલકની સામે આઇપીસી કલમ ૨૭૯, ૩૦૪(અ) તથા એમવી એકટ ૧૮૪, ૧૭૭ મુજબનો ગુનો નોંધીને આરોપીને પકડવા માટે ચક્રોગતિમાન કરેલ છે
અકસ્માતમાં ઇજા
વાંકાનેર નજીક રાતીદેવડી ગામ પાસેથી બાઇક લઇને ઉસ્માનભાઈ ગનીમામદભાઈ બાદી (૫૫) રહે. કણકોટ વાળા જઈ રહ્યા હતા ત્યારે આગળ જતી બસમાંથી કોઈએ નારીયલનો ત્રોફો બહાર ફેંકતા તે બાઇકમાં આવવાથી ઉસ્માનભાઈનું બાઈક સ્લીપ થઈ ગયું હતું જેથી તેઓને ઇજા થતાં તેને મોરબીના શનાળા રોડ ઉપર આવેલ ક્રિષ્ના હોસ્પિટલ ખાતે સારવારમાં લઇ આવ્યા હતા અને આ બનાવની પોલીસને જાણ કરવામાં આવતાં પોલીસે બનાવની નોંધ કરી રાબેતા મુજબની કાર્યવાહી હાથ ધરી છે
