મોરબીના સ્પામાં કામ કરતી બે યુવતીને સંચાલકે માર માર્યો

મોરબીના જૂના બસસ્ટેન્ડ પાસે આવેલ સ્પામાં નોકરી કરતી બે યુવતીને લેવાના નીકળતા પૈસા બાબતે સ્પાના સંચાલક સાથે બોલાચાલી થઈ હતી અને ત્યારે મારા મારી અન થયેલ હતી જેથી કરીને બે યુવતીઓને ઈજા થઈ હોવાથી તેને સારવાર માટે ખસેડવામાં આવી હતી અને આ બનાવની મોરબી સીટી એ ડીવીઝન પોલીસને જાણ કરવામાં આવતા પોલીસે આગળની કાર્યવાહી હાથ ધરી હતી

જાણવા મળતી વિગત પ્રમાણે મોરબીના જુના બસ સ્ટેન્ડ પાસે આવેલ સ્પામાં નોકરી કરતી મૂળ સુરતના કામરેજની રહેવાસી નસીમાબેન મારૂભાઈ મુલ્લા (ઉંમર ૨૨) નામની યુવતી અને તેની સાથે બીજી એક યુવતીને સ્પાના સંચાલક પાસેથી તેના રૂપિયા લેવાના નીકળતા હતા જે બાબતે તેની સાથે બોલાચાલી થઈ હતી અને ત્યારે મારા મારી પણ થયેલ હતી જેથી ઈજા થઈ હોવાથી બને યુવતીઓને સારવાર માટે મોરબી સિવિલ હોસ્પિટલ ખાતે ખસેડવામાં આવી હતી અને મારામારીના આ બનાવની મોરબી સીટી એ ડીવીઝન પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી

ઝેરી દવા પી ગઈ

હળવદ તાલુકાના ચિત્રોડ ગામે રહેતી મધુબેન લાલજીભાઈ કાંજીયા (ઉંમર ૪૫) નામની મહિલા ભૂલથી ઝેરી દવા પી ગઈ હતી જેથી કરીને તેને પ્રાથમિક સારવાર આપ્યા બાદ વધુ સારવાર માટે મોરબી મંગલમ હોસ્પિટલ ખાતે ખસેડવામાં આવી હતી અને આ બનાવની મોરબી સીટી એ ડીવીઝન પોલીસને જાણ કરવામાં આવતા પોલીસે રાબેતા મુજબની કાર્યવાહી હાથ ધરી હતી