મોરબીના સિરામિક કારખાનામાંથી કામ શોધવા નીકળ્યા બાદ ગુમ થયેલ પરિણીતા બે સંતાનો સાથે મળી આવી
Morbi Today
મોરબી જૈન જાગૃતિ સેન્ટરની લેડીઝ વિંગ દ્વારા ધમાચકડી-૨૦૨૨ કાર્યક્રમ યોજાયો
SHARE
JOIN OUR GROUP
નાના બાળકોથી લઇને મોટી ઉંમરના બહેનો સુધીનાઓએ શેરી રમતોનો આનંદ માણ્યો
મોરબીના જૈન જાગૃતિ સેન્ટરની લેડીઝ વિંગ દ્વારા ધમાચકડી-૨૦૨૨ કાર્યક્રમનું આયોજન કરવામાં આવ્યુ હતુ.જેમાં જૈન સમાજના બાળકો તેમજ મોટી ઉમરના જૈન બહેનોએ પણ કાર્યક્રમમાં હોંશે હોંશે ભાગ લીધો હતો અને નાનપણમાં રમાતી શેરી રમતો કે જે આજે વિસરાઈ રહી છે તેની મજા માણી હતી. તમામ વિજેતાઓને સોના-ચાંદીની વસ્તુઓ ભેટમાં આપવામાં આવી હતી.આ તકે કાર્યક્રમ દરમિયાન જલ્પાબેન શેઠ દ્વારા આકર્ષક રીતે યોગા અને પૂજાબેન શાહે ઝુમ્બા કરાવીને કાર્યક્રમમાં આવેલા લોકોને તે પ્રત્યે પણ રૂચિ કેળવવા જણાવ્યું હતું.
આ તકે આમંત્રણને માન આપીને પૂર્વ ધારાસભ્ય કાંતિભાઇ અમૃતિયાએ તેમના ધર્મપત્ની જોત્સનાબેન સાથે હાજરી આપી હતી અને કાર્યક્રમના વિજેતાઓને તેમના હાથે ઇનામ આપવામાં આવ્યા હતા.તેઓએ જણાવ્યુ હતુ કે કોઈને કોઈ રીતે કોઈને કોઈ સેવા કાર્યોમાં રચ્યા-પચ્યા રહેવુ જોઇએ જેનું સારૂ ફળ ભગવાન સમય આવ્યે આપે જ છે. કાર્યક્રમને સફળ બનાવવા માટે કમિટીના ખ્યાતીબેન શેઠ, દિનાબેન સુતરિયા, નિતાબેન દોશી, અમીબેન પારેખ, શીતલબેન પારેખ, દ્રષ્ટિબેન દેસાઈ, પ્રિયલબેન મહેતા, શ્વેતાબેન ખંડોર અને ધારાબેન જોશી સહિતનાઓએ કાર્યક્રમને સફળ બનાવવા ભારે જહેમત ઉઠાવી હતી.
