મોરબીના શિશુમંદિર શાળાના વિદ્યાર્થીઓના હસ્તલિખિત અંકોનું વિમોચન કરાયુ
Morbi Today
મોરબીમાં રોટરી કલબ દ્રારા સ્ત્રીઓમાં સ્તન અને ગર્ભાશય તેમજ પુરૂષોના પ્રોસ્ટેટ કેન્સર અંગે નિદાન કેમ્પ યોજાયો
SHARE
JOIN OUR GROUP
મોરબીમાં રોટરી કલબ દ્રારા સ્ત્રીઓમાં સ્તન અને ગર્ભાશય તેમજ પુરૂષોના પ્રોસ્ટેટ કેન્સર અંગે નિદાન કેમ્પ યોજાયો
રોટરી ક્લબ મોરબી દ્વારા ગત તા.૫-૬ એપ્રેલના ના રોજ મયુર ફાઉન્ડેશન સંચાલિત મયુર હોસ્પીટલ મોરબી-૨ ખાતે રોટરી ક્લબ ઓફ ચીખલી રિવરફ્રન્ટ તથા રોટરી ક્લબ ઓફ ગણદેવીના સહયોગથી આલીપોર સોશિયલ વેલ્ફેર ટ્રસ્ટ સંચાલિત આલીપોર હોસ્પિટલના સંયુક્ત ઉપક્રમે નિ:શુલ્ક કેન્સર નિદાન કેમ્પનું આયોજન કરવામાં આવેલ.હાલ સ્ત્રીઓમાં સ્તન અને ગર્ભાશય તેમજ પુરૂષોમાં પ્રોસ્ટેટ કેન્સરનું પ્રમાણ ચિંતાજનક રીતે વધી રહ્યું છે.શરમ, સંકોચ અને આર્થિક કારણોસર લોકો સમયસર નિદાન કરાવવાનું ટાળતા હોય છે.સજાગતાથી જો પ્રાથમિક સ્ટેજમાં તપાસ થઈ જાય તો ઘણી પ્રકારની તકલીફો કે વેદના અને ખર્ચથી બચી શકાય છે માટે એ જ હેતુથી રોટરી ક્લબ મોરબી દ્વારા વિનામૂલ્યે આધુનિક પદ્ધતિથી મોબાઈલ કેન્સર ડિટેકશનવાનમાં આઇબ્રેસ્ટ સ્કેન, મેમોગ્રાફી, પેપ સ્મીયર ટેસ્ટ તથા પ્રોસ્ટેટ કેન્સરના ટેસ્ટ કરી આપવામાં આવેલ.બે દિવસના આ નિદાન કેમ્પનો ૨૪૦ લોકોએ લાભ લીધેલ.કેમ્પના આર્થિક સહયોગી ટી.ડી. પટેલ, કરસનભાઈ આદ્રોજા, રોટે.સિદ્ધાર્થભાઈ જોશી, રોટે.હરિનભાઈ પરમાર, રોટે.જીતેશભાઈ સચદેવ તથા મયુર ફાઉન્ડેશન સંચાલિત મયુર હોસ્પિટલના સહયોગથી આ કેમ્પનું આયોજન કરવામાં આવેલ.કેમ્પને સફળ બનાવવામાં પ્રોજેક્ટ ચેરમેન રોટે.સિદ્ધાર્થભાઈ જોશી, પ્રેસિડેન્ટ રોટે.બંસી શેઠ, સેક્રેટરી રોટે. રસિદા લાકડાવાલા તથા રોટરી ક્લબ મોરબીના સભ્યો અને યુવા આર્મી લેડીઝ વિંગના મહિલા સભ્યોએ જહેમત ઉઠાવી હતી.
