મો૨બી ચીફ કોર્ટે ચેક રીટર્નનાં કેસમાં આરોપીને એક વર્ષની સજા અને ડબલ ૨કમનો દંડનો હુકમ કર્યો
Morbi Today
મોરબીમાં સગાને ઘરેણા લઈ આપ્યા બાદ આપેલ ચેક પરત ફરતાં એક વર્ષની કેદ તેમજ ડબલ રકમ ચૂકવવા કોર્ટનો આદેશ
SHARE
JOIN OUR GROUP
મોરબીમાં સગાને ઘરેણા લઈ આપ્યા બાદ આપેલ ચેક પરત ફરતાં એક વર્ષની કેદ તેમજ ડબલ રકમ ચૂકવવા કોર્ટનો આદેશ
નેગોશીયેબલના કેસમાં એટલેકે ચેક રીટર્નના કેશમાં કોર્ટે આરોપીને સજા ફટકારેલ છે.કેશની હકીકત એવી છે કે આરોપીએ તેમના સંબંધીને ફરીયાદીની સોનીની દુકાનેથી ઘરેણા અપાવેલ હતા અને તે પેટે આરોપીએ ફરીયાદીને રૂ।.૨,૫૬,૦૦૦ નો ચેક ફરીયાદી પેઢી ચોક્સી બધર્સના નામનો સહી કરીને આપેલ જે ચેક ફરીયાદીએ તેમના ખાતામાં જમા કરાવવા રજુ કરતા ચેક "ઇનસફીસીયન્ટ ફંડ"ના શેરા સાથે પરત ફરતા ફરીયાદીએ આરોપીને નેગોશીયેબલ એક્ટની કલમ ૧૩૮ તળે નોટીશ આપી હતી. છતા આરોપીએ ફરીયાદીને ચેકની બાકી લેણી રકમ વસુલ ન આપતા ફરીયાદીએ તેની સામે મોરબીની જી.ફ.જ્યુ.મેજી.કુ.ક.ની કોર્ટમાં ફોજદારી કેસ દાખલ કરાવ્યો હતો તે કેસમાં કોર્ટે ફરીયાદીની જુબાની તથા રજુ રાખેલ આધાર પુરાવાઓ ધ્યાને લઇ તથા ફરીયાદ પક્ષે રજુ રાખેલ દલીલો ધ્યાને લઇ આરોપીને નેગોશીયેબલ એક્ટની કલમ -૧૩૮ ના ગુન્હા સબબ તકસીરવાન ઠરાવીને એક વર્ષની સાદી કેદની સજા ભોગવાનો તા.૧-૪-૨૦૨૨ ના રોજ હુકમ ફરમાવ્યો હતો. તથા વિવાદીત ચેકની બાકી નીકળતી રકમ રૂા.ર,૫૬,૦૦૦ ની ડબલ રકમ એટલે કે રૂ।.૫,૧૨,૦૦૦ નો આરોપીને દંડ ફરમાવવામાં આવેલ તથા તે દંડમાંથી ફરીયાદીને ફરીયાદ વાળા ચેકની રકમ ફરીયાદ તારીખથી ચુકવણી તારીખ સુધીના વાર્ષિક ૯ ટકા વ્યાજ સહીત ચુકવી આપવા તથા દંડ ભરવામાં કશુર થયેથી આરોપીએ વધુ ૯૦ દિવસની સાદી કેદની સજા ભોગવવાનો હુકમ કરવામાં આવેલ છે.આ અંગે ફરીયાદી ચોકસી બ્રધર્સ તરફેથી જાણીતા એડવોકેટ બી.બી.હડીયલ રોકાયેલા હતા.
