મોરબી નાગરિક સહકારી બેંકના 6 ડિરેક્ટરો માટે આજે ચૂંટણીનું મતદાન: મોડી રાત સુધીમાં ફેંસલો ટંકારાના મીતાણા ગામ નજીક સીએનજી રીક્ષામાં જઈ રહેલ મહિલાના ગળામાંથી સોનાના હારની ચીલ ઝડપ, હાર તૂટી જતા સવા બે તોલાનો હાર લઈને અજાણ્યો શખ્સ ફરાર મોરબી રાજકોટ હાઇવે રોડ ઉપર મજૂરી કામના પૈસા માંગતા યુવાન સહિત ત્રણ વ્યક્તિઓને આઠ જેટલા શખ્સોએ ધોકા અને પાઇપ વડે મારમાર્યો માળીયા મીયાણા નજીક સુરજબારી પુલ પાસે પલટી મારી ગયેલા ટેન્કર નીચે દબાઈ જવાથી ડ્રાઇવરનું મોત મોરબીના સોખડા ગામ પાસે કારખાનામાં કામ કરતા સમયે લિફ્ટ પડવાથી ઇજા પામેલા આધેડનું મોત: ધુતારી વાડી વિસ્તારમાં ઝેરી દવા પી યુવાનનો આપઘાત વાંકાનેરમાં જોધપર પાસે ઓવરટેક કરવા જતા સમયે ડમ્પર ચાલકે હડફેટે લેતા બલેનો કાર પલટી મારી ગઈ: ઇજાગ્રસ્ત પિતા-પુત્ર સારવારમાં મોરબીના યુવા શક્તિ ફાઉન્ડેશન દ્વારા ઘૂટુંની સરકારી હાઈસ્કૂલમાં સ્વચ્છતા જાગૃતિનો કાર્યક્રમ યોજાયો મોરબીમાં મીઠાઈ-ફરસાણની 29 દુકાનમાં કર્યું ચેકિંગ, 17 ધંધાર્થીઓને ફટકારી નોટીસ

Breaking news

Morbi Today

હળવદમાં રહેતા યુવાનની ચાડધ્રા ગામે આવેલ જમીન ઉપર દબાણ કરનારા બે શખ્સોની સામે લેન્ડ ગ્રેબિંગની ફરિયાદ

13-05-2022 10:37 AM

હળવદમાં રહેતા યુવાનની ચાડધ્રા ગામે આવેલ જમીન ઉપર દબાણ કરનારા બે શખ્સોની સામે લેન્ડ ગ્રેબિંગની ફરિયાદ

હળવદના રાણેકપર રોડ આવેલ રામવીલા બંગ્લોજ-૨ માં રહેતા યુવાને હળવદ તાલુકા પોલીસ સ્ટેશને બે શખ્સોની સામે લેન્ડ ગ્રેબિંગની ફરિયાદ નોંધાવી છે જેમાં તેને જણાવ્યુ છે કે, તેની માલીકીની ચાડધ્રા ગામના સર્વ નં. ૩૭૪/૨ ની જમીન ઉપર આરોપીઓએ વર્ષ ૨૦૧૨ થી કબ્જો કરેલ છે અને જમીન પચાવી પડી છે જેથી પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે

બનાવની જાણવા મળતી માહિતી મુજબ મૂળ હળવદ તાલુકાનાં ચાડધ્રા ગામના રહેવાસી અને હાલ ૧૦૮ રામવીલા બંગ્લોજ-૨ રાણેકપર રોડ હળવદ ખાતે રહેતા ભગીરથદાન પરબતસંગ ટાપરીયા જાતે ગઢવી (ઉ.૩૩)એ જગદિશભાઈ કશુભાઈ ગઢવી અને બટુકભાઈ કશુભાઈ ગઢવી રહે. બંને ચાડધ્રા વાળાની સામે લેન્ડ ગ્રેબિંગની ફરિયાદ નોંધાવી છે જેમાં તેને જણાવ્યુ છે કે, વર્ષ ૨૦૧૨ થી આજદિન સુધી આરોપીઓએ ફરીયાદીની માલીકીની ચાડધ્રા ગામના સર્વ નં. ૩૭૪/૨ ની જમીન હે.આર.ચો.મી. ૦-૫૪-૬૩ વાળી જમીન પર ગેરકાયદેસર કબજો કરીને રાખેલ છે અને આ જમીન પર આજદિન સુધી ગેરકાયદેસર કબજો ચાલુ રાખી જમીન પચાવી પાડી છે જેથી પોલીસે ગુજરાત જમીન પચાવી પાડવા પર (પ્રતિબંધ) અધિનિયમ-૨૦૨૦ની કલમ-૩, ૪(૧) (૩), ૫(ગ) મુજબ ગુનો નોંધીને આરોપીઓને પકડવા માટે તજવીજ શરૂ કરેલ છે

બે બોટલ દારૂ

મોરબી તાલુકાના લાલપર ગામના બસ સ્ટેન્ડ પાસેથી પસાર થઇ રહેલા શખ્સને રોકીને પોલીસ ચેક કરતા તેની પાસેથી દારૂની બે બોટલો મળી આવી હતી જેથી કરીને પોલીસે છ સો રૂપિયાની કિંમતની દારૂની બોટલો કબ્જે કરીને સંજય સાધાભાઈ સાવસેટા જાતે આહીર (ઉમર ૨૪) રહે લાલપર ગૌશાળા પાસે મોરબી વાળાની ધરપકડ કરેલ છે અને તેની પાસેથી મળી આવેલ દારૂની બોટલ કયાથી આવી હતી તે દિશામાં તપાસ શરૂ કરવામાં આવી છે

૧૧૦ લિટર દેશી દારૂ

વાંકાનેર તાલુકાના ઢુવા ગામની સીમમાં વિન મેક્સ સીરામીક પાસે પતરાની ઓરડીમાં પોલીસે દારૂની રેડ કરી હતી ત્યારે ત્યાંથી ૧૧૦ લિટર દેશી દારૂ મળી આવ્યો હતો જેથી પોલીસે ૪૪૦ રૂપિયાની કિંમતનો મુદ્દામાલ કબજે કર્યો હતો અને આ દારૂનો જથ્થો હરજીભાઈ ભનુભાઈ માથાસુરીયા જાતે દેવીપુજક રહે. ઢુવા ગામ પાસે ઝુંપડા વાળાનો હોવાનું સામે આવ્યું હતું જેથી કરીને તેની સામે ગુનો નોંધીને આરોપીને પકડવા માટે તજવીજ શરૂ કરેલ છે