વાંકાનેરમાં શાહબાવા - નાગાબાવાને દુઆ પ્રાર્થના ફળી - ગાજવીજ સાથે વરસાદ

(કેતન ભટ્ટી દ્વારા)વાંકાનેર : માર્કેટયાર્ડનાં સમગ્ર સ્ટાફ દ્વારા આજે સાંજે વાંકાનેરનાં ઐતિહાસિક શાહ બાવા - નાગાબાવા ખાતે વરસાદ માટે દુઆ પ્રાર્થના કરવામાં આવી હતી અને ત્યાર બાદ મોડી સાંજે ગાજ વીજ સાથે વરસાદ શરૂ થયો હતો. 

જ્યારે જ્યારે વાંકાનેર પર કોઈ મુશ્કેલ સમય હોય છે ત્યારે વાંકાનેરનો ઈતિહાસ જોડાયેલ છે તેવા શાહબાવા નાગાબાવાને શહેરીજનો દુઆ પ્રાર્થના કરે છે, આજે સાંજે પણ માર્કેટ યાર્ડનાં સમગ્ર સ્ટાફ દ્વારા શાહબાવા ખાતે ચાદર અને નાગા બાવા ખાતે વાઘા ચડાવી વાંકાનેર સહિત સમગ્ર રાજ્યમાં વરસાદ માટે દુઆ પ્રાર્થના કરવામાં આવી હતી જેનાં થોડા સમય બાદ જ વાંકાનેરમાં ગાજ વીજ સાથે વરસાદ શરૂ થયો હતો અને અડધો કલાક સુધી ધોધમાર વરસાદ તૂટી પડતાં ખુશીની લહેર પ્રસરી જવા પામી હતી અને દુઆ પ્રાર્થના ફળી હતી.