હળવદના દેવીપુર ગામે કાકાના દીકરાએ નોંધાવેલ લેન્ડ ગ્રેબિંગની ફરિયાદનો ખાર રાખીને યુવાન ઉપર છ શખ્સોનો હુમલો

હળવદ તાલુકાનાં દેવીપુર ગામે રહેતા યુવાનના કાકાના દીકરાએ નોંધાવેલ લેન્ડ ગ્રેબીંગની ફરિયાદનો ખાર રાખીને છ શખ્સો દ્વારા ધારીયુ, ધોકા અને પાઇપ વડે હુમલો કરીને માર મરવામાં આવ્યો હતો જેથી કરીને ઇજા પામેલા યુવાન સહિતના ત્રણ વ્યક્તિઓને સારવારમાં ખસેડાયા હતા અને સારવાર લીધા બાદ યુવાને છ શખ્સોની સામે ફરિયાદ નોંધાવતાં પોલીસે ગુનો નોંધીને આગળની કાર્યવાહી કરેલ છે

બનાવની જાણવા મળતી માહિતી મુજબ હળવદ તાલુકાનાં દેવીપુર ગામે રહેતા પરષોતમભાઈ નાનજીભાઈ તારબુંદીયા જાતે દલવાડી (૪૫)એ અંબારામભાઈ ઉકાભાઈ, વશરામભાઈ ત્રીભોવનભાઈ ધારીયા જાતે પરમાર રહે. રવાપર રોડ બજરંગ સોસાયટી મોરબી, ભગવાનભાઈ ઉકાભાઈ ધારીયા જાતે પરમાર રહે. ટીકર રણ, બળદેવભાઈ ત્રીભોવનભાઈ રહે. રવાપર રોડ મોરબી હસમુખભાઈ અંબારામભાઈ રહે. દેવીપુર અને પ્રદિપભાઈ ભગવાનભાઈ ઘારીયા પરમાર રહે. ટીકર વાળાની એસએમે ફરિયાદ નોંધાવી છે જેમાં તેને જણાવ્યુ છે કે, તેના કાકાના દિકરા નારાયણભાઈ દેવજીભાઈ તારબુંદિયા રહે. દેવીપુર વાળાએ આરોપી હસમુખભાઈ અંબારામભાઈ ધારીયા રહે. દેવીપુર વાળા વિરૂધ્ધમા લેન્ડ ગ્રેબીંગનો કેસ કરેલ છે જેનુ મન દુખ રાખીને અંબારામભાઈ ઉકાભાઈએ તેના હાથમા રહેલ ધારીયુ ફરીયાદીની ડાબી આંખ ઉપર મારતા ઈજા કરેલ હતી તેમજ આરોપી વશરામભાઈ ત્રીભોવનભાઈ ધારીયાએ ફરિયાદીને ડાબા હાથમા કોણી ઉપર માર માર્યો હતો અને અન્ય આરોપીઓએ લોખંડના પાઈપ, ધોકા વડે ફરિયાદી અને સાહેદ ચંદુભાઈ તેમજ અમ્રુતભાઈને માર માર્યો હતો અને તમામ આરોપીઓએ ગાળો બોલી જાનથી મારી નાખવાની ધમકી આપી હતી જેથી કરીને યુવાને નોંધાવેલ ફરિયાદ આધારે પોલીસે આઇપીસી કલમ ૩૨૩, ૫૦૪, ૫૦૬(૨), ૩૨૪, ૩૨૫, ૧૪૩, ૧૪૭, ૧૪૮, ૧૪૯, ૧૧૪તથા જી.પી એકટ ૧૩૫ મુજબ ગુનો નોંધીને આગળની કાર્યવાહી કરેલ છે