હળવદના ગોલાસણ નજીક કેનાલ પાસે જુગાર રમતા સાત ઝડપાયા : ૨૫,૨૦૦ નો મુદામાલ કબ્જે
SHARE
JOIN OUR GROUP
હળવદના ગોલાસણ નજીક કેનાલ પાસે જુગાર રમતા સાત ઝડપાયા : ૨૫,૨૦૦ નો મુદામાલ કબ્જે
હળવદ તાલુકાના ગોલાસણ ગામની સીમમાં માઇનોર કેનાલ પાસે જાહેરમાં જુગાર રમતા હોવાની બાતમી પોલીસને મળી હતી જેના આધારે પોલીસે ત્યાં જુગારની રેડ કરતા સાત શખ્સો જુગાર રમતા મળી આવ્યા હતા.જેથી પોલીસે ૨૫,૨૦૦ નો મુદ્દામાલ કબ્જે કરીને સાત જુગારીઓની ધરપકડ કરી આગળની કાર્યવાહી હાથ ધરી હતી.
જાણવા મળતી વિગત પ્રમાણે હળવદ તાલુકાના ગોલાસણ ગામની સીમમાંથી પસાર થતી માઇનોર કેનાલ પાસે અમુક ઇસમો જાહેરમાં જુગાર રમતા હોવાની બાતમી સ્થાનિક પોલીસને મળી હતી જેના આધારે પોલીસ દ્વારા ત્યાં જુગારની રેડ કરવામાં આવતા સ્થળ ઉપર ધનજીભાઈ ગેલાભાઈ ઉડેચા, વિનોદભાઈ હમીરભાઈ કોપાણીયા, રસિકભાઈ બધુભાઈ આંકડિયા, કાંતિલાલ ભીખાલાલ દેકાવાડીયા, વિક્રમભાઈ ઈશ્વરભાઈ વિરાણી, મુકેશભાઈ બચુભાઈ દેસાઈ અને પ્રવીણભાઈ નરસીભાઈ આદ્રોજા જુગાર રમતા મળી આવ્યા હતા જેથી કરીને પોલીસે તેમની પાસેથી ૨૫,૨૦૦ ની રોકડ કબ્જે કરીને સાતેયની સામે હળવદ તાલુકા પોલીસ સ્ટેશન ખાતે જુગારધારા હેઠળ ગુનો નોંધીને આગળની કાર્યવાહી હાથ ધરેલ છે.
વૃદ્ધા સારવારમાં
મોરબીના નવલખી રોડ ઉપર આવેલ લૂંટાવદર ગામે રહેતા ગૌરીબેન ભાણજીભાઈ બાવરવા નામના ૫૬ વર્ષીય વૃદ્ધા ગામમાં હનુમાન મંદિર પાસેથી બાઈકમાં બેસીને જતા હતા ત્યારે રસ્તામાં તેઓ બાઈકમાંથી નીચે પડી જતા ઇજગ્રસ્ત હાલતમાં સારવાર માટે મોરબી લાવવામાં આવ્યા હતા.જ્યારે મોરબીના શકત શનાળા ગામે રહેતા વિજયભાઈ આણંદભાઈ નાટકા (૩૭) અને તેમનો નવ વર્ષીય પુત્ર ક્રિષ્ના બંને ગોર ખીજડીયા ગામ પાસેથી બાઈક લઈને જતા હતા અને રસ્તામાં તેઓ બંને બાઈકમાંથી નીચે પડી જતા ઈજાઓ થવાથી બંનેને સારવારમાં ખસેડાયા હતા.
મારામારીમાં ઇજા
મોરબીના વીસીપરામાં રહેતા હકાભાઇ બાબુભાઈ ગણેશિયા નામના ૫૮ વર્ષના આધેડને મારામારીના બનાવવામાં ઇજાઓ થવાથી તેમને સારવાર માટે સિવિલે ખસેડાયા હતા.તેમજ મોરબીના સામાકાંઠે નેશનલ હાઇવે ઉપર આવેલ શક્તિ સોસાયટીમાં રહેતા હેતલબેન રાકેશભાઈ ઘુમલીયા નામની ૩૨ વર્ષીય મહિલા સિરામિક સિટી પાસેથી રોડ ઉપર પગપાળા જતી હતી ત્યાં વાહન અકસ્માતના બનાવમાં તેણીને ઈજાઓ થતા સારવાર માટે ખસેડવામાં આવી હતી.
