મોરબીમાં છેલ્લી ૨૪ કલાકમાં વધુ અઢી ઇંચ વરસાદ: અતિ ભારે વરસાદની આજે આગાહી
SHARE
JOIN OUR GROUP
મોરબીમાં છેલ્લી ૨૪ કલાકમાં વધુ અઢી ઇંચ વરસાદ: અતિ ભારે વરસાદની આજે આગાહી
મોરબી જિલ્લામાં છેલ્લા ત્રણ દિવસથી મેઘરાજ મહેરબાની કરી રહ્યા છે અને ધીમો વરસાદ વરસી રહ્યો છે દરમિયાન મંગળવારે સવારથી લઈને સાંજ સુધીમાં મોરબી જિલ્લાના પાંચ તાલુકામાં છૂટો છવાયો વરસાદ નોંધાયો છે જો કે, મોરબી શહેર અને તાલુકામાં વધુ અઢી ઇંચ વરસાદ નોંધાયો છે અને આજે હવામાન વિભાગ દ્વારા મોરબીમાં અતિભારે વરસાદની આગાહી કરવામાં આવી છે જેથી કરીને તંત્ર એલર્ટ છે
મોરબી જીલ્લામાં ગઇકાલે આખા દિવસમાં મેઘરાજાએ ધીમીધારે બેટિંગ કરી હતી જેથી કરીને જીલ્લાના પાંચેય છૂટો છવાયો વરસાદ નોંધાયો છે અને આખા દિવસમાં મોરબી શહેર અને તાલુકામાં વધુ અઢી ઇંચ વરસાદ નોંધાયો છે ત્યારે મોરબી જિલ્લાના ફ્લડ કંટ્રોલરૂમમાંથી જાણવા મળતી માહિતી મુજબ છેલ્લી ૨૪ કલાકમાં મોરબી જિલ્લાના પાંચેય તાલુકામાં વરસાદ નોંધાયો છે જેમાં મોરબી તાલુકામાં ૬૪ એમએમ, હળવદ તાલુકામાં ૦૦ એમએમ, ટંકારા તાલુકામાં ૧૧ એમએમ, વાંકાનેર તાલુકામાં ૪ એમએમ અને માળિયામાં ૩ એમએમ વરસાદ વરસ્યો છે અને જો સીઝનના કુલ વરસાદની વાત કરીએ તો મોરબી જિલ્લાના પાંચ તાલુકામાં મોરબી તાલુકામાં ૩૭૩ એમએમ હળવદ તાલુકામાં ૧૬૫ એમએમ, ટંકારા તાલુકામાં ૩૮૩ એમએમ, વાંકાનેર તાલુકામાં ૧૯૩ એમએમ અને માળિયા તાલુકામાં ૧૮૬ એમએમ વરસાદ નોંધાયેલ છે અને આજે હવામાન વિભાગ દ્વારા મોરબી જીલ્લામાં અતિ ભારે વરસાદની આગાહી કરેલ છે જેથી કરીને તંત્ર એલર્ટ છે અને આજે સવારથી જ આકાશમાં કાળા ડિબાગ વાદળો જોવા મળી રહ્યા છે અને ધીમી ધારે વરસાદ પણ વરસી રહ્યો છે
