મોરબીના શ્રી સ્વામિનારાયણ ગુરુકુલના બાળકોના હસ્તે અનાથાશ્રમ અને વૃદ્ધાશ્રમમાં કીટ વિતરણ
Morbi Today
હળવદમાં મીરા ગેરેજ પાસેથી ૨૫ બોટલ દારૂ સાથે રાજસ્થાની યુવાન ઝડપાયો
SHARE
JOIN OUR GROUP
હળવદમાં મીરા ગેરેજ પાસેથી ૨૫ બોટલ દારૂ સાથે રાજસ્થાની યુવાન ઝડપાયો
હળવદમાં આવેલ જીવરાજ પાર્કમાં મીરા ગેરેજ પાસેથી પસાર થતા શખ્સને રોકીને પોલીસે ચેક કર્યો હતો ત્યારે તેની પાસેથી દારૂની ૨૫ બોટલો મળી આવી હતી જેથી કરીને પોલીસે ૮૦૦૦ રૂપિયાની કિંમતનો મુદ્દામાલ કબજે કર્યો છે અને રાજસ્થાની એક શખ્સની ધરપકડ કરી આગળની કાર્યવાહી હાથ ધરી છે
બનાવની જાણવા મળતી વિગત મુજબ હળવદ શહેરના જીવરાજ પાર્ક વિસ્તારમાં આવેલ મીરા ગેરેજ પાસેથી પસાર થઈ રહેલા શખ્સને રોકીને પોલીસે ચેક કર્યો હતો ત્યારે તેની પાસેથી દારૂની ૨૫ બોટલો મળી આવી હોય પોલીસે ૮૦૦૦ રૂપિયાની કિંમતનો દારૂનો જથ્થો કબજે કરીને રવિસિંહ પપ્પુસિંહ રાવત જાત જાટ (૨૩) રહે. લાલપુરા ધનાર દુર્ગાવાસ કાબરા તાલુકો બ્યાવર જિલ્લો અજમેર (રાજસ્થાન) વાળાની ધરપકડ કરેલ છે અને તેની પાસેથી મળેલી દારૂની બોટલો તે ક્યાંથી લઈને આવ્યો હતો તે દિશામાં હાલમાં પોલીસે તપાસ શરૂ કરી છે
૧૫૦ લિટર દેશી દારૂ
વાંકાનેરની નર્સરી ચોકડીથી આગળના ભાગમાં પસાર થતી અલ્ટો કારને રોકવા માટે પોલીસે પ્રયત્ન કરતા કાર ચાલક તેની કાર છોડીને ભાગી ગયો હતો જેથી કરીને વાંકાનેર સિટી પોલીસની ટીમ દ્વારા કાર નંબર જીજે ૧૩ એન ૦૩૨૮ ને ચેક કરવામાં આવતા તેમાંથી દોઢસો લીટર દેશી દારૂનો જથ્થો મળી આવ્યો હતો જેથી કરીને ૩૦૦૦ રૂપિયાની કિંમતનો દારૂ અને ૮૦૦૦૦ ની કિંમતની કાર આમ કુલ મળીને ૮૩ હજાર રૂપિયાનો મુદ્દામાલ પોલીસે કબજે કર્યો હતો અને કાર મૂકીને નાસી છૂટેલા શખ્સની સામે ગુનો નોંધીને તેને પકડવા માટે તજવીજ શરૂ કરેલ છે
એક બોટલ દારૂ
વાંકાનેર તાલુકાના ભેરડા ગામે બસ સ્ટોપ પાસેથી પસાર થતા શખ્સને રોકીને પોલીસે ચેક કર્યો હતો ત્યારે તેના પેન્ટના નેફામાંથી એક બોટલ દારૂની મળી આવી હોય પોલીસે ૪૦૦ રૂપિયાની કિંમતનો દારૂ કબજે કરીને નિતેશભાઇ જાદુભાઈ સાબરીયા જાતે કોળી (૨૩) રહે. ભેરડા વાળાની ધરપકડ કરેલ છે
યુવતી ગુમ
મોરબીના વાવડી રોડ ઉપર આવેલ જનક નગરમાં રહેતા અશ્વિનભાઇ ભટ્ટની દીકરી કિંજલબેન ભટ્ટ (૨૩) ગઇ તા.૧૧/૭ ના અગિયાર વાગ્યાના અરસામા ઘરેથી નાસ્તો લેવા જવાનુ કહીને નીકળી હતી અને ત્યાર બાદ ગુમ થઈ ગયેલ છે જેથી પોલીસે યુવતીના પિતાની ગુમસુધા ફરિયાદ લઈને આગળની કાર્યાવહી કરેલ છે
