હળવદમાં મીરા ગેરેજ પાસેથી ૨૫ બોટલ દારૂ સાથે રાજસ્થાની યુવાન ઝડપાયો
Morbi Today
મોરબીના ઇન્દીરાનગરમાં ભંગારના ડેલામાં જુગાર રમતા છ શખ્સો ૧,૧૧,૫૦૦ ની રોકડ સાથે ઝડપાયા
SHARE
JOIN OUR GROUP
મોરબીના ઇન્દીરાનગરમાં ભંગારના ડેલામાં જુગાર રમતા છ શખ્સો ૧,૧૧,૫૦૦ ની રોકડ સાથે ઝડપાયા
મોરબી નજીકના મહેન્દ્રનગર ગામે આવેલ ઇન્દીરાનગરમાં જુની સમર્પણ હોસ્પિટલ પાછળ, શેરી નં.-૨ માં આવેલ ભંગારના ડેલામાં જુગાર રમતા હોવાની બાતમી એલસીબીની ટીમને મળી હતી જેના આધારે પોલીસે ત્યાં જુગારીની રેડ કરી હતી ત્યારે જુગાર રમતા છ શખ્સો જુગાર રમતા મળી આવ્યા હતા જેથી પોલીસે તેની પાસેથી ૧,૧૧,૫૦૦ નો મુદામાલ કબજે કર્યો હતો
જાણવા મળતી માહિતી મુજબ મોરબી નજીકના મહેન્દ્રનગર ગામે આવેલ ઇન્દીરાનગરમાં જુની સમર્પણ હોસ્પિટલ પાછળ આવેલ ભંગારના ડેલામાં એલસીબીની ટીમે જુગારની રેડ કરી હતી ત્યારે મનીષભાઇ ભાણજીભાઇ જગોદણા (૪૨), રોહિતભાઇ જયંતિભાઇ કુણપરા (૩૪), પરેશભાઇ મહાદેવભાઇ જગોદણા (૩૫), દિનેશભાઇ બાલજીભાઇ જગોદણા (૪૨) અને હરસુખભાઇ ગાંડુભાઇ જેઠલોજા (૫૪) રહે. બધા જ નવી પીપળી તેમજ અશોકભાઇ ગાંડુભાઇ બાપોદરા (૪૩) રહે. માનગઢ વાળા જુગાર રમતા મળી આવ્યા હતા જેથી પોલીસે તેની પાસેથી રેઇડ દરમ્યાન ગંજીપતાના પાના અને રોકડ ૧,૧૧,૫૦૦ નો મુદામાલ કબજે કર્યો હતો અને તેની સામે જુગાર ધારા હેઠળ મોરબી બી ડિવિઝન પોલીસ સ્ટેશને ગુનો નોંધાવીને જુગારી તેમજ મુદામાલ ત્યાં સોફી આપેલ છે
મારમારીમાં ઇજા
મોરબી શહેરના વાવડી રોડ ઉપર આવેલ મનીષ વિદ્યાલય પાસે મારામારીનો બનાવ બન્યો હતો જેમાં જયદીપ વ્રજલાલ ડાભી (ઉંમર ૩૫) નામના યુવાનને ઇજાઓ થઈ હતી જેથી ઇજાગ્રસ્ત યુવાનને સારવાર માટે મોરબીની સિવિલ હોસ્પિટલ ખાતે ખસેડવામાં આવ્યો હતો અને મારામારીના બનાવની મોરબી સીટી એ ડિવિઝન પોલીસને જાણ કરવામાં આવી હતી
અકસ્માતમાં ઇજા
જોડિયા તાલુકાના રસનાળ ગામે રહેતા હરપાલસિંહ જાડેજાનો છ વર્ષનો દીકરો ધર્મરાજસિંહ બાઇકમાં બેસીને વાડીએ જતો હતો ત્યારે રસ્તામાં તે બાઈકમાંથી નીચે પડી ગયો હતો જેથી કરીને તેને ઇજાઓ થવાના કારણે મોરબીમાં આવેલ ખાનગી હોસ્પિટલમાં તેને સારવાર માટે લઈ આવ્યા છે અને આ બનાવની મોરબી સીટી એ ડિવિઝન પોલીસને જાણ કરવામાં આવતા પોલીસે રાબેતા મુજબની કાર્યવાહી હાથ ધરી હતી
મારામારીમાં ઇજા
માળીયા મીયાણામાં રહેતા રોશનબેન ગફારભાઈ જેડા (૪૦) અને સેનાજબેન ગફારભાઈ જેડા (૨૦) ને મારામારીના બનાવવામાં ઇજાઓ થઈ હતી જેથી કરીને તેને મોરબીની સિવિલ હોસ્પિટલ ખાતે સારવારમાં લઈને આવ્યા હતા અને મારામારીના આ બનાવની મોરબી સીટી એ ડિવિઝન પોલીસમાં જાણ કરવામાં આવતા પોલીસે પ્રાથમિક તપાસ કરીને આગળની તપાસ માટે માળીયા પોલીસને જાણ કરી છે
