વાંકાનેર શહેરમાં હવે રસ્તા ઉપરના ખાડા બુરવાની કામગીરી શરૂ
SHARE
JOIN OUR GROUP
વાંકાનેર શહેરમાં હવે રસ્તા ઉપરના ખાડા બુરવાની કામગીરી શરૂ
વાંકાનેર શહેરના અનેક વિસ્તારોમાં મુખ્ય રોડ ઉપર ખાડા પડી ગયા છે અને તે ખાડાઓની અંદર વરસાદી પાણી ભરાઈ જવાના કારણે અવારનવાર નાના-મોટા માર્ગ અકસ્માતો સર્જાતા હોય છે જેમાં નિર્દોષ લોકોને નાના મોટી ઈજાઓ થતી હોય છે અને ક્યારેક જીવલેણ અકસ્માત સર્જવાનો પણ ભય રહેતો હોય છે જેથી કરીને મોરબી ટુડેના માધ્યમથી થોડા દિવસો પહેલા વાંકાનેર શહેરની અંદર કેટલાય લોકોના ખાડા ભરાઈ ગયા પરંતુ રસ્તા ઉપરના ખાડા ભરાતા નથી તે પ્રકારના સમાચારને પ્રસિદ્ધ કરવામાં આવ્યા હતા જેના આધારે તાત્કાલિકના ધોરણે પાલિકા તંત્ર હરકતમાં આવ્યું હતું અને આ રસ્તા ઉપર પડેલા ખાડાઓ નિર્દોષ વ્યક્તિઓ માટે જીવલેણ ન બને તે માટે થઈને ખાડા પૂરવાની કામગીરીને શરૂ કરવામાં આવેલ છે અને હાલમાં શહેરના મુખ્ય માર્ગો સહિતના વિસ્તારોની અંદર રસ્તામાં પડેલા ખાડા પૂરવાની કામગીરી પાલિકાની ટીમ દ્વારા કરવામાં આવી રહી છે ત્યારે આગામી સમયમાં પણ ચોમાસા દરમિયાન રોડ રસ્તા ઉપર કોઈ જીવલેણ અકસ્માત ન બને તે પ્રકારની તકેદારી પાલિકા તંત્ર દ્વારા રાખવામાં આવે તે જરૂરી છે
