મોરબીની ભારતી વિદ્યાલય શાળામાં યોજાઈ મોનિટર અને GS ની ચૂંટણી
SHARE
JOIN OUR GROUP
મોરબીની ભારતી વિદ્યાલય શાળામાં યોજાઈ મોનિટર અને GS ની ચૂંટણી
મોરબીના સામાકાંઠા વિસ્તારમાં આવેલી ભારતી વિદ્યાલય શાળામાં વિદ્યાર્થીઓને શિક્ષણની સાથે જ લોકશાહીનું મહત્વ સમજાય અને ભવિષ્યના મતદાતા તરીકે પોતાની શું ફરજ છે ? તે હેતુથી મોનિટર અને જીએસની ચૂંટણી યોજવામાં આવી હતી.ચૂંટણીમાં ધોરણ ૭, ૮ અને ૯ નું કુલ ૧૦૦ ટકા મતદાન થયેલ અને સમગ્ર શાળામાં કુલ ૯૩.૫૭ ટકા મતદાન થયુ હતુ. કાર્યક્રમનું તમામ સંચાલન અને આયોજન શૈક્ષણિક પ્રોજેક્ટ અંતર્ગત શાળાના ધોરણ ૧૧ અને ૧૨ ના વિધાર્થીઓ દ્વારા કરવામાં આવ્યુ હતુ. વિદ્યાર્થીઓ આ ચૂંટણી પ્રક્રિયામાં મોનિટર અને જીએસ એમ બંનેમાં પોતાનો કિંમતી અને બહુમૂલ્ય વોટ યોગ્ય ઉમેદવારને આપ્યો.આ સમગ્ર ચૂંટણીના મતદાન ભારત દેશની જૂની અને લોકપ્રિય પદ્ધતિ બેલેટ પેપર થી કરવામાં આવેલ. જેમાં જીએસની ચૂંટણીમાં પ્રાયોરાટી મુજબ મતદાન કરવામાં આવ્યુ હતુ. આ કાર્યક્રમમાં શાળાના સ્થાપક લાલજીભાઈ મહેતા, મોરબી નગર પાલિકા ઉપપ્રમુખ જયરાજસિંહ જાડેજા, શાળા પ્રમુખ હિતેષભાઇ મહેતા, કમલેશભાઈ મહેતા, પત્રકાર મિત્રો તેમજ બહોળી સંખ્યામાં વાલીઓએ કાર્યક્રમમાં હાજરી આપી વિદ્યાર્થીઓને પ્રોત્સાહિત કર્યા હતા.અંતમાં શાળાના સંચાલક કૌશલભાઈ મહેતાએ વિદ્યાર્થીઓને ચૂંટણી પ્રક્રિયામાં સહભાગી થવા માટે ખૂબ ખૂબ અભિનંદન પાઠવેલ અને લોકશાહીમાં એક મતની શું કિંમત છે તેની માહિતી આપી વિદ્યાર્થીઓને આવા કાર્યક્રમ કરતા રહેવા માટે શુભકામના પાઠવેલ અને વિવેકભાઈ મહેતાએ કાર્યક્રમને શાનદાર બનાવવા માટે તમામ મહેમાનો, વાલીઓ અને તમામ શિક્ષકગણોનો આભાર માન્યો હતો.
