મોરબીના ઉમિયા સર્કલે પાલીકા દ્રારા ૧૦૮ ફુટનો રાષ્ટ્ધ્વજ લહેરાવાશે
Morbi Today
મોરબી જીલ્લામાં જુગારની ચાર રેડ : ચકલા પોપટ સહિતનો જુગાર રમતા ૧૩ જુગારી ઝડપાયા
SHARE
JOIN OUR GROUP
મોરબી જીલ્લામાં જુગારની ચાર રેડ : ચકલા પોપટ સહિતનો જુગાર રમતા ૧૩ જુગારી ઝડપાયા
મોરબી જીલ્લામાં જુગારની જુદીજુદી જગ્યાઓએ રેડ કરવામાં આવી રહી છે. ત્યારે વાંકાનેરમાં ચકલા પોપટનો જુગાર રમાડતા બે શખ્સ સહિત કુલ મળીને ૧૩ જુગારીઓ જુદીજુદી ચાર રેડમાં ઝડપાયા હતા.જેથી કરીને પોલીસે ૩૮,૩૮૦ ની રોકડ કબજે કરીને આગળની કાર્યવાહી કરેલ છે.
હળવદ તાલુકાનાં ચરાડવા ગામે ખરેડા વાળા રસ્તે જાહેરમાં જુગાર રમતા હોવાની રવિરાજસિંહ મહેન્દ્રસિંહ ઝાલા તથા હરવિજયસિંહ કીરીટસિંહ ઝાલાને બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે જુગાર રમતા ધનજીભાઇ મુળજીભાઇ સોલંકી, જયંતીભાઇ લવજીભાઇ મકવાણા, સંજયભાઇ જગજીવનભાઇ માકસણા, કિશોરભાઇ કુકાભાઇ ઉઘરેજીયા, રોહીતભાઇ ગોવીંદભાઇ રાજપરીયા, રાજુભાઇ ખોડાભાઇ સોલંકી અને આસીકભાઇ અનવરભાઇ ભટ્ટી મળી આવ્યા હતા જેથી પોલીસે રોકડા ૧૩,૩૩૦ નો મુદામાલ કબજે કર્યો હતો અને આગળની કાર્યવાહી હાથ ધરી હતી.
વાંકાનેર શહેરના આરોગ્યનગર ચોકમાં જુગાર રમતા હોવાની બાતમી મળી હતી.જેથી પોલીસે ત્યાં જુગારની રેડ કરી હતી ત્યારે જુદાજુદા ચિત્રોના બેનર બનાવીને ત્યાં જુગાર રમાડવામાં આવતો હોય તેવું ધ્યાનમાં આવ્યુ હતું અને ચકલા પોપટનો આ જુગાર રમાડતા અજયસિંહ વનરાજસિંહ ઝાલા (ઉંમર ૩૨) રહે.ગોકુળનગર વિજય પાનવાડી શેરી વાંકાનેર અને રવિભાઈ જગદીશભાઈ શંખેસરિયા (ઉંમર ૨૪) રહે.વેલનાથપરા વાંકાનેર વાળા હાજર મળી આવ્યા હતા જેથી કરીને પોલીસે તેઓની પાસેથી ૧૪,૩૭૦ ની રોકડ કબ્જે કરીને જુગારધારા હેઠળ ગુનો નોંધી આગળની કાર્યવાહી હાથ ધરી હતી.
મોરબીના જુના બસ સ્ટેન્ડ પાસે આવેલ ઇદગાહના મેદાનમાં જુગાર રમતા હોવાની બાતમી મળી હતી જેના આધારે પોલીસ ત્યાં જુગારની રેડ કરી હતી ત્યારે ઈદગાહના મેદાનમાં જુગાર રમતા ઇમરાન ઉર્ફે ચકલી રહીમભાઈ મોવર, માજીદભાઈ બસીરભાઈ ભટ્ટી, રફિકભાઈ હનીફભાઈ મોવર અને હારુનભાઈ ઈસ્માઈલભાઈ શેડાત રહે.બધા મચ્છીપીઠ પાસે જુગાર રમતા મળી આવ્યા હતા જેથી પોલીસે તેની પાસેથી ૧૦,૧૦૦ ની રોકડ કબજે કરી હતી અને જુગાર ધારા મુજબ ગુનો નોંધીને આગળની કાર્યવાહી કરી હતી.તેમજ મોરબીના ગાંધીચોક પાસે મેલડી માતાજીના મંદિર નજીક વરલી જુગારના આંકડા લેવામાં આવતા હોવાની માહિતી પોલીસને મળી હતી જેના આધારે પોલીસે ત્યારે રેડ કરતાં ગુલાબશા મહેબૂબશા કાજી જાતે ફકીર (ઉંમર ૩૮) રહે. કાલિકા પ્લોટ હુસૈની ચોક વાળાની ૫૮૦ ની રોકડ સાથે ધરપકડ કરેલ છે.
