મોરબીના સ્કાય મોલમાં આવેલ બેંકવેટ હોલના ભાડાની આવક ઓળવી જનારા બે મહિલા સહિતના ચાર ભાગીદાર સામે ફરિયાદ
SHARE
JOIN OUR GROUP
મોરબીના સ્કાય મોલમાં આવેલ બેંકવેટ હોલના ભાડાની આવક ઓળવી જનારા બે મહિલા સહિતના ચાર ભાગીદાર સામે ફરિયાદ
મોરબીના શનાળા રોડ ઉપર જય ડેવલોપર્સનો સ્કાય મોલમાં બેંકવેટ હોલ આવેલ છે અને સ્કાય મોલના બેંકવેટ હોલની ભાડાની રકમ આવી હતી તે ભાગીદારી પેઢીના બેંક એકાઉન્ટમાં જમા કરાવવાના બદલે અન્ય બેંકના એકાઉન્ટમાં જમા કરાવીને પેઢીના ભાગીદારોની સાથે ભાડાની રકમના રૂપીયા ૧,૯૩,૬૦૫ સાથે વિશ્વાસઘાત કરીને છેતરપિંડી કરવામાં આવી છે જેથી કરીને ભોગ બનેલા યુવાને બે મહિલા સહિત પેઢીના ચાર ભાગીદારોની સામે ફરિયાદ નોંધાવી છે જેના આધારે પોલીસે ગુનો નોંધીને આરોપીઓને પકડવા માટે ચક્રોગતિમાન કરેલ છે
જાણવા મળતી માહિતી મુજબ મોરબીના શનાળા રોડે આવેલ સ્કાય મોલના બેંકવેટ હોલના ભાગીદાર અને મુંબઇ અંધેરી વેસ્ટ ઇરલા એસ.વી.રોડ ઉપર સી-૯૦૨, ન્યુ સર્વોતમ સોસાયટીના રહેવાસી ધવલભાઇ મુકેશભાઇ મહેતા જાતે જૈન વાણીયા (૩૩) દ્વારા તેઓની પેઢીના ભાગીદાર રજનીકાંતભાઇ હિમંતલાલ મહેતા રહે. મુંબઇ, હનીશભાઇ અજયભાઇ શાહ રહે. મુંબઇ, મંજુલાબેન રજનીકાંતભાઇ મહેતા રહે. મુંબઇ અને હેતલબેન હનીશભાઇ શાહ રહે. મુંબઇ વાળાની સામે વિશ્વાસઘાત અને છેતરપિંડીની ફરિયાદ નોંધાવી છે જેમાં તેને જણાવ્યુ છે કે, ગત તા. ૭/૪/૨૦૨૨ થી ૬/૭/૨૦૨૨ ના સમયગાળા દરમ્યાન મોરબીના શનાળા રોડ ઉપર આવેલ સ્કાય મોલમાં તેની ભાગીદારી પેઢી જય ડેવલોપર્સનો સ્કાય મોલમાં બેંકવેટ હોલ આવેલ છે અને આરોપી મંજુલાબેન રજનીકાંતભાઇ મહેતા તેમજ હેતલબેન હનીશભાઇ શાહ પણ જય ડેવલોપર્સમાં ભાગીદાર છે તેઓઆ પેઢીના કુલમુખત્યારના વહીવટી કામથી સહમત ન હતા જેથી તેઓએ આરોપી રજનીકાંતભાઇ હિમંતલાલ મહેતા અને હનીશભાઇ અજયભાઇ શાહની સાથે મળી સ્કાય મોલના બેંકવેટ હોલના ભાડાની રકમના રૂપીયા ૧,૯૩,૬૦૫ અલગ અલગ પાર્ટી પાસેથી મેળવી લીધા હતા.
તેમજ આરોપી રજનીકાંતભાઇ હિમંતલાલ મહેતાના કહેવાથી નિલેશભાઇ વોરા તથા પંકજભાઇ દવે મારફતે બેંકવેટ હોલના બુકીંગના રૂપિયા નાણા રજનીકાંતભાઇ હિમંતલાલ મહેતા અને હનીશભાઇ અજયભાઇ શાહની ભાગીદારી પેઢી યુનિક ફુડક્રાફટ એલ.એલ.પી.ના ખાતા નંબર ૫૯૨૦૯૮૨૦૩૧૩૯૫૩ એચ.ડી.એફ.સી. બેંક મુંબઇમાં તથા કોસ્મોસ બેંકના યુનિક ફ્રુડ ક્રાફટ એલ.એલ.પી. પેઢીના બેંક એકાઉન્ટ નંબર ૦૮૩૧૦૦૧૦૨૧૪૧ મોરબીમાં જમા કરાવડાવી લીધા હતા અને ફરીયાદીએ આ રકમ જય ડેવલોપર્સની પેઢીમાં ટ્રાન્સફર કરી જમા કરાવવા અવાર નવાર કહેવા છતા આરોપીઓએ ભાડાની રકમ માંગવાનુ ભુલી જજો અને હવે પછી જો આ રૂપીયાની માંગણી કરશો તો સારવાટ રહેશે નહી. તેમ કહીને જાનથી મારી નાખવાની ધમકી આપી હતી આમ જય ડેવલોપર્સ પેઢીને આપવાની થતી ભાડાની રકમ ઓળવી જઇ ફરીયાદી તથા અન્ય ભાગીદારો સાથે વિશ્વાસઘાત કરેલ હોવાથી યુવાને મોરબી સિટી એ ડિવિઝને પોલીસ ફરિયાદ નોંધાવતાં પોલીસે આઇપીસી કલમ ૪૦૬, ૪૨૦, ૫૦૪, ૫૦૬(૨) ૧૧૪ મુજબ ગુનો નોંધીને આરોપીઓને પકડવા માટે તજવીજ શરૂ કરેલ છે.
