મોરબી-વાંકાનેર વચ્ચે દોડતી ડેમુ ટ્રેનના સમયમાં કરાયો ૧૦થી ૨૦ મિનિટનો ફેરફાર
SHARE
JOIN OUR GROUP
મોરબી-વાંકાનેર વચ્ચે દોડતી ડેમુ ટ્રેનના સમયમાં કરાયો ૧૦થી ૨૦ મિનિટનો ફેરફાર
મોરબી-વાંકાનેર વચ્ચે ડેમું ટ્રેન દોડી રહી છે તેના સમયમાં આગામી ૯ ઓગસ્ટથી ૧૦ થી ૨૦ મિનિટ સુધીનો ફેરફાર કરવામાં આવેલ છે જેથી કરીને વાંકાનેર-મોરબી વચ્ચે આખા દિવસમાં દોડતી ૬ ડેમુ ટ્રેનના પરિવર્તિત સમય સાથેની માહિતી રેલ્વે વિભાગ દ્વારા મુસાફરો માટે આપવામાં આવી છે
પશ્ચિમ રેલવેએ વાંકાનેર-મોરબી વચ્ચે દોડતી ૬ ડેમુ ટ્રેનોના સંચાલનનો સમય ૯ મી ઓગસ્ટથી પરિવર્તિત કર્યો છે. અને રાજકોટ ડિવિઝનના સિનિયર ડીસીએમ અભિનવ જેફના જણાવ્યા અનુસાર વાંકાનેર-મોરબી ડેમુ વાંકાનેરથી રાત્રે ૨૨.૧૦ વાગ્યેના બદલે ૧૦ મિનિટ વહેલા એટલે કે ૧૧.૦૦ વાગ્યે ઉપડશે અને મોરબી ૨૨.૪૫ વાગ્યે પહોંચશે તેવી જ રીતે મોરબી-વાંકાનેર ડેમુ મોરબીથી સવારે ૬.૦૦ વાગ્યેના બદલે ૧૦ મિનિટ વહેલા એટલે કે ૫.૫૦ વાગ્યે ઉપડશે અને વાંકાનેર ૬.૩૫ વાગ્યે પહોંચશે. ત્યાર બાદ વાંકાનેર-મોરબી ડેમુ વાંકાનેરથી ૭.૧૦ વાગ્યેના બદલે ૧૦ મિનિટ વહેલા એટલે કે ૭ વાગ્યે ઉપડશે અને મોરબી-વાંકાનેર ડેમુ મોરબીથી સવારે ૮.૧૦ ના બદલે ૧૫ મિનિટ વહેલી ઉપડશે એટલે કે ૭.૫૫ વાગ્યે ઉપડશે તો વાંકાનેર-મોરબી ડેમુ વાંકાનેરથી રાત્રે ૧૯.૨૦ વાગ્યેના બદલે ૨૦ મિનટ વહેલા એટલે કે ૧૯.૦૦ વાગ્યે ઉપડશે અને મોરબી-વાંકાનેર ડેમુ મોરબીથી રાત્રે ૨૦.૨૦ વાગ્યેના બદલે ૨૦ મિનિટ વહેલા એટલે કે ૨૦.૦૦ વાગ્યે ઉપડશે અને હવે આ પરિવર્તિત સમય સાથે ટ્રેન દોડશે
