મોરબીમાં વડવાળા સંગઠનનું લંપી રોગ રોકવા રસીકરણ અભિયાન: ૧૯૬૨ની ટીમ રાઉન્ડ ધી ક્લોક કાર્યરત
SHARE
JOIN OUR GROUP
મોરબીમાં વડવાળા સંગઠનનું લંપી રોગ રોકવા રસીકરણ અભિયાન: ૧૯૬૨ની ટીમ રાઉન્ડ ધી ક્લોક કાર્યરત
મોરબીમાં માલધારી સમાજના હિતો જાળવવા માટે સક્રિય રહેતું વડવાળા યુવા સંગઠન હાલ લંપી વાયરસ સામે પશુઓને બચાવવા માટે મેદાને આવ્યું છે.જો કે તંત્ર દ્વારા હાથ ધરાયેલા રસીકરણમાં ટૂંકાગાળામાં હજારો પશુઓને આવરી લેવા મુશ્કેલ હોવાથી વડવાળા યુવા સંગઠન યુવા સંગઠન દ્વારા રસીકરણ અભિયાન હાથ ધરવામાં આવ્યું છે. તેમજ ૧૯૬૨ની ટીમ રાઉન્ડ ધી ક્લોક કાર્યરત છે
મોરબીના વડવાળા યુવા સંગઠન દ્વારા મરછુકાઠા રબારી ભરવાડ સમાજ જોગ જાહેર અપીલ કરવામાં આવી છે કે, હાલ વર્તમાન પરિસ્થિતિમાં ગૌ માતામાં આવેલ લંપી નામનો રોગ ફાટી નીકળેલો છે.આથી આ રોગથી ગૌધન બચાવવા માટે ગૌવસને રસી મૂકવાનું અભિયાન વડવાળા યુવા સંગઠન દ્વારા ચલાવવામાં આવી રહ્યું હોય તો જે કોઈ ગામમાં કે શહેરમાં ગૌ માતાને રસી મૂકવાની બાકી હોય તો વડવાળા યુવા સંગઠનનો સંપર્ક કરે દરેક ગામ પહોંચીને રસીકરણ કરવામાં આવશે. રસીકરણ માટે નીચે આપેલ મોબાઈલ નંબરોમાં સંપર્ક કરશો. અને તેના માટે નવઘણભાઈ રબારી ૯૯૭૯૩ ૩૭૩૦૦, જીવણભાઈ રબારી ૯૭૩૭૧ ૭૪૦૦૦ અને મોતીભાઈ રબારી ૯૯૭૯૪ ૭૩૨૧૬ નો સંપર્ક કરવા વડવાળા યુવા સંગઠનના મુખ્ય સંયોજક દેવેનભાઈ રબારીએ જણાવ્યુ છે
૧૯૬૨ની ટીમ રાઉન્ડ ધી ક્લોક કાર્યરત
લમ્પી વાયરસ સંદર્ભે પશુપાલાન વિભાગ સાથે ૧૯૬૨ ની સેવા પણ સતત કાર્યશીલ છે. ૧૯૬૨ ની વાનના પૈડા છેલ્લા ૧૫ દિવસથી થંભ્યા નથી. ૧૯૬૨ ની સેવાનો હજુ વધુ કાર્યશીલ ઉપયોગ વધારી શકાય તે માટે જાહેર જનતાને સહકાર આપવા અપીલ કરાઈ છે. મોરબી જિલ્લામાં પશુઓમાં જોવા મળી લમ્પી રોગેને અટકાવવા તેમજ ઉપચાર માટે પશુપાલન વિભાગ સજાગ છે. પશુઓમાં આ રોગ પ્રવેશ ન કરે તે માટે રસીકરણ ઝુંબેશ પણ હાથ ધરાઈ છે. પશુઓને રસીકરણ દ્વારા સુરક્ષિત બનાવવા કવાયત હાથ ધરવામાં આવી રહી છે. ઉપરાંત પશુ દવાખાના તેમજ ૧૯૬૨ની ટીમ દ્વારા સંયુક્ત રીતે આ રોગનો ભોગ બનેલા પશુઓની સારવાર કરવામાં આવી રહી છે. અને છેલ્લા ૧૫ દિવસમાં એક પણ દિવસ રજા વગર સ્ટાફ દ્વારા બમણી કામગીરી કરવામાં આવી રહી છે. ત્યારે સરપંચઓ તેમજ ગામના આગેવાનઓને જાહેર અપીલ કરવામાં આવે છે કે, જરૂર હોય ત્યાં ગામના લોકો જાણ કરશે તો તત્કાલીક કામ કરવામાં આવશે
