મોરબીની પી.જી.પટેલ કોલેજમાં રાષ્ટ્ર પ્રથમ, રાષ્ટ્ર સર્વોપરી કાર્યક્રમ યોજાયો
Morbi Today
મોરબીના સિરામિક કારખાનામાંથી આજથી એક મહિનો લોડીંગ બંધ
SHARE
JOIN OUR GROUP
મોરબીના સિરામિક કારખાનામાંથી આજથી એક મહિનો લોડીંગ બંધ
મોરબીની આસપાસના વિસ્તારમાં સીરામીકના નાના મોટા ૮૦૦ થી વધુ યુનિટ આવેલા છે જેને ગત તા. ૧૦ થી બંધ કરવામાં આવેલ છે અને તા ૧૫ ઓગસ્ટથી એક મહિના સિરામિકના કારખાનામાં લોડીંગ બંધ કરવામાં આવ્યું છે જેથી કરીને આજથી સિરામિકની સાથોસાથ હવે ટ્રક ટ્રાન્સપોર્ટ ઉદ્યોગ પણ એક મહિના માટે બંધ કરવામાં આવેલ છે જેથી કરીને ઉદ્યોગના લીધે સતત ટ્રાફિકથી ધમધમતા મોરબીના હાઇવે રોડ સૂમસામ બની જશે અને હાઇવે સહિતના વિસ્તારોમાં આવેલ હોટલ, ઢબા, ઓટો મોબાઈલ સહિતના ધંધાની એક મહિનો માઠી જેવી પરિસ્થિતી ઊભી થાય તો નવાઈ નથી
મોરબી સિરામિક ટાઇલ્સની ડોમેસ્ટિક અને ઇન્ટરનેશનલ માર્કેટમાં માલની માંગમાં તોતિંગ ઘટાડો છેલ્લા મહિનાઓમાં થયેલ છે જેથી કરીને મોરબી સિરામિક એસો. દ્વારા સંયુક્ત રીતે મિટિંગ કરીને સભ્યોની સહમતી સાથે તા. ૧૦ ઓગસ્ટ થી ૧૦ સપ્ટેમ્બર સુધી એક મહિનો તમામ સિરામિક કારખાનામાં મલનું પ્રોડકશન બંધ રાખવા માટેનો નિર્ણય કર્યો હતો અને ૧૫ તારીખથી સિરામિકના કારખાનાઓમાંથી માલનું લોડીંગ બંધ કરવાનો નિર્ણય કરવામાં આવ્યો હતો જેથી કરીને મોરબી ટ્રક ટ્રાન્સપોર્ટ એસો. દ્વારા પણ તેના ૬૦૦ સભ્યોને સાથે મિટિંગ કરીને સર્વાનુમતે આગામી તા. ૧૫ થી એક મહિના સુધી ટ્રક ટ્રાન્સપોર્ટ ઉદ્યોગ પણ બંધ રાખવાનો નિર્ણય કરવામાં આવેલ છે જેથી કરીને આજથીમોરબીની આસપાસમાં આવેલ સિરામિક કારખાનામાં માલની સપ્લાઈ કરવા માટે સતત દોડતા ૫૦૦૦ કરતાં વધુ ટ્રકના પૈડાં થંભી જશે જેથી કરીને મોરબીમાં ટ્રાફિકથી સતત ધમધમતો હાઇવે સહિતના રસ્તા હવે એક મહિના સુધી સૂમસામ બની જશે અને જો અન્ય ધંધાની વાત કરીએ તો મોરબીમાં દૈનિક માલની હેરફેરી કરવા માટે મોટી સંખ્યામાં વાહનો દોડતા હોય છે જેથી કરીને મોરબીમાં દૂધ થી લઈને દારૂ સુધીના ધંધા ધમધમતા હોય છે જો કે, એક મહિનો સુધી સિરામિક અને ટ્રક ટ્રાન્સપોર્ટ ઉદ્યોગ બંધ હોવાથી આ ધંધાની પણ માઠી જેવી પરિસ્થિતી જોવા મળશે તેવું કહીએ તો તેમાં જરાપણ અતિશયોક્તિ નથી
