મોરબીના આમરણ ચોવીસી પંથકમાં અતિવૃષ્ટિગ્રસ્ત ગામોની મુલાકાત લેતા કૃષિ મંત્રી રાઘવજી પટેલ
Morbi Today
મોરબી જિલ્લાના તમામ તાલુકા તા. ૨૭ થી ૪ સુધી કલા મહાકુંભ તથા યુવા ઉત્સવ અન્વયે સ્પર્ધાઓ યોજાશે
SHARE
JOIN OUR GROUP
મોરબી જિલ્લાના તમામ તાલુકા તા. ૨૭ થી ૪ સુધી કલા મહાકુંભ તથા યુવા ઉત્સવ અન્વયે સ્પર્ધાઓ યોજાશે
રમતગમત યુવા અને સાંસ્કૃતિક પ્રવૃત્તિઓ વિભાગ, ગાંધીનગર દ્વારા પ્રેરિત કમિશનરશ્રી યુવક સેવા અને સાંસ્કૃતિક પ્રવૃત્તિઓની કચેરી, ગાંધીનગર દ્વારા આયોજિત તથા જિલ્લા યુવા વિકાસ અધિકારીશ્રી મોરબી દ્વારા સંચાલિત તાલુકા કક્ષા યુવા ઉત્સવ અને તાલુકા કક્ષા કલા મહાકુંભનું આયોજન કરવામાં આવ્યું છે.
માળિયા (મી) તાલુકામાં તા.૨૭ ના રોજ મોડેલ સ્કૂલ મોટી બરાર, માળિયા, હળવદ તાલુકામાં તા.૨૮ ના રોજ તક્ષશિલા વિદ્યાલય હળવદ, મોરબી તાલુકામાં તા.૩૧ ના રોજ પી. જી. પટેલ કોલેજ મોરબી, વાંકાનેરમાં તા.૩/૯ ના રોજ એલ.કે. સંઘવી સ્કૂલ વાંકાનેર, ટંકારામાં તા.૪/૯ ના રોજ નાલંદા વિદ્યાલય વિરપર ખાતે સ્પર્ધાઓ યોજશે અને તમામ સ્થળોએ સ્પર્ધકો માટેનો રિપોર્ટિંગ ટાઈમ સવારે ૮:૦૦ કલાક છે. જેમાં નિબંધ તથા ચિત્રના વિષયો સ્થળ પર જ આપવામાં આવશે. જ્યારે વકૃત્વ સ્પર્ધાના વિષયો ૨૪ કલાક અગાઉ સ્પર્ધકને પોતાની સ્કૂલમાંથી આપવામાં આવશે. તો ઉપરોક્ત સ્થળ તથા તારીખે તમામ સ્પર્ધકોએ હાજર રહેવા મોરબી જિલ્લા યુવા વિકાસ અધિકારીની યાદીમાં જણાવાયું છે.
