હળવદ-માળીયામાં જુગારની બે રેડ: આઠ જુગારી ઝડપાયા, ત્રણ નાશી ગયા
SHARE
JOIN OUR GROUP
હળવદ-માળીયામાં જુગારની બે રેડ: આઠ જુગારી ઝડપાયા, ત્રણ નાશી ગયા
મોરબી જિલ્લાના હળવદ અને માળીયા તાલુકામાં સ્થાનિક પોલીસે જુગારની જુદીજુદી બે રેડ કરી હતી ત્યારે કુલ મળીને આઠ જુગારી ઝડપાયા હતા જો કે, ત્રણ જુગારી પોલીસને જોઈને નાશી ગયા હતા જેથી કરીને પોલીસે તેને પકડવા માટે ચક્રોગતિમાન કરેલ છે
હળવદ તાલુકાના ટીકર ગામથી જૂના ઘાટીલા ગામ તરફ જવાના રસ્તે તળાવના કાંઠે જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી અને ત્યારે સ્થળ ઉપર જુગારીઓમાં નાશ ભાગ મચી ગઈ હતી જો કે, પોલીસે સ્થળ ઉપરથી ઘનશ્યામભાઈ ચતુરભાઈ રંભાણી, હરેશભાઈ ભીખાભાઈ ઝીંઝવાડીયા, હમીરભાઇ લાભુભાઈ મહાલીયા, ઇશ્વરભાઇ રતુજીભાઈ અંબારિયા અને કમલેશભાઈ માત્રાભાઈ સોરીયાની રોકડા રૂપિયા ૧૭૫૦૦, એક મોબાઈલ ૫૦૦૦ અને ૪ બાઇક જેની કિંમત ૪૦૦૦૦ આમ કુલ મળીને પોલીસે ૬૨૭૦૦ ની કિંમતનો મુદ્દા માલ કબજે કર્યો હતો અને પોલીસને જોઈને નાસી ગયેલા જુગારી ચંદુભાઈ માંડણભાઈ રંભાણી, નિલેશભાઈ ઘનશ્યામભાઈ કોળી અને અમર ઉર્ફે મુન્નો ચંદુભાઈ સુરેલાને પકડવા માટે થઈને પોલીસે તજવીજ શરૂ કરી છે
માળિયા તાલુકાના જૂના ઘાટીલા ગામથી મંદરકી ગામ તરફ જવાના રસ્તે મંદિર નજીક જુગાર રમતા હોવાની બાતમી મળી હતી જેના આધારે સ્થાનિક પોલીસ દ્વારા ત્યાં જુગારની રેડ કરવામાં આવતા સંતોષભાઈ રાજુભાઈ દુદાણા, હસમુખભાઈ બહાદુરભાઇ દુદાણા અને ચંદુભાઈ અમરશીભાઈ દુદાણા જુગાર રમતા મળી આવ્યા હતા જેથી પોલીસે ૮૬૪૦ રૂપિયાની રોકડ તેમજ ત્રણ મોબાઈલ ફોન મળીને ૧૩૧૪૦ નો મુદામાલ કબજે કરીને જુગારધારા હેઠળ ગુનો નોંધી રાબેતા મુજબની કાર્યવાહી હાથ ધરી છે
