ભાજપના રાષ્ટ્રીય અધ્યક્ષ જે.પી. નડ્ડા આગામી મંગળવારે મોરબીમાં: ભાવિ રોડ શો યોજાશે
Morbi Today
મોરબીના પીપળી-શનાળા પાસે બે ગોડાઉનમાંથી ૧૮૯૬ બોટલ દારૂ સાથે કુખ્યાત બુટલેગર સહિત ત્રણ શખ્સ ઝડપાયા
SHARE
JOIN OUR GROUP
મોરબીના પીપળી-શનાળા પાસે બે ગોડાઉનમાંથી ૧૮૯૬ બોટલ દારૂ સાથે કુખ્યાત બુટલેગર સહિત ત્રણ શખ્સ ઝડપાયા
મોરબીના પીપળી ગામની સીમ તથા શકત શનાળા જી.આઇ.ડી.સી. ખાતે જુદાજુદા બે ગોડાઉનમાં દારૂની રેડ કરવામાં આવી હતી ત્યારે વિદેશી દારૂની નાની મોટી ૧૮૯૬ બોટલો મળી આવી હતી જેથી કરીને પોલીસે ૯,૩૪,૬૨૦ નો દારૂ તેમજ અન્ય મુદામાલ મળી કુલ ૨૦,૦૪,૬૨૦ ના મુદામાલ સાથે ત્રણ આરોપીઓની ધરપકડ કરેલ છે
મોરબી જિલ્લા એલસીબીના પીઆઇ એમ.આર.ગોઢાણીયાની સૂચના મુજબ સ્ટાફ કામ કરી રહ્યો છે ત્યારે સુરેશભાઇ હંબલ તથા નંદલાલ વરમોરાને મળેલ ખાનગી હકિકત આધારે પીપળી ગામની સીમમાં આવેલ રોયલ ઇન્ડસ્ટ્રીઝ એસ્ટેટ પ્લોટ નંબર ૧૭ વાળા ગોડાઉનમાં તથા શનાળા જી.આઇ.ડી.સી.માં ધર્મેશભાઇ પ્રજાપતીના ગોડાઉનમાં દારૂની રેડ કરી હતી ત્યારે ફડસર ગામે રહેતો ભરતભાઇ નારણભાઇ ડાવેરા (બોરીચા) તથા તેના ભાગીદાર મુકેશ પૌરારામ બિશ્નોઇ રહે. સરણાઉ તાલુકો સાચૌર વાળાએ બન્ને ગોડાઉન ભાડે રાખી તેમાં દારૂનો જથ્થો રાખ્યો હોવાનું સામે આવ્યું હતું જેથી પોલીસે જુદીજુદી બ્રાન્ડની કુલ મળીને ૧૮૯૬ બોટલો તેમજ મહીન્દ્રા બોલેરો પીકઅપ બે ગાડી, એક બાઇક, ચાર મોબાઇલ આમ કુલ ૨૦,૦૪,૬૨૦ નો મુદામાલ કબ્જે કરેલ છે અને હાલમાં ભરતભાઇ નારણભાઇ ડાવેરા જાતે બોરીચા (૩૬) રહે. ફડસર, રતનલાલ સાજનરામ ગોદરા જાતે બિશ્નોઇ (૪૫) રહે. માણકી, રાજસ્થાન અને પારસ ખીયારામ તેતરવાલ હાથે બિશ્નોઇ (૨૮) રહે. દુધગામ ધોરીમન્ના જિલ્લો બાડમેર વાળાની ધરપકડ કરેલ છે
