મચ્છુ-૧ ડેમ ઓવરફલો થતાં વાંકાનેરના રાજા કેસરીદેવસિંહજીએ નવા નીરના કર્યા વધામણાં
Morbi Today
મોરબીના વજેપર વિસ્તારમાં રહેણાંક મકાનમાંથી ૭૪ બોટલ દારૂ પકડાયો, આરોપીની શોધખોળ
SHARE
JOIN OUR GROUP
મોરબીના વજેપર વિસ્તારમાં રહેણાંક મકાનમાંથી ૭૪ બોટલ દારૂ પકડાયો, આરોપીની શોધખોળ
મોરબી સીટી એ ડિવિઝન પોલીસને મળેલ બાતમીને આધારે તેઓએ શહેરના વજેપર વિસ્તારમાં રહેતા ઈસમને ત્યાં રેડ કરી હતી ત્યારે રેણાંક મકાનમાંથી પોલીસને વિદેશી દારીની ૭૪ બોટલ મળી આવતા પોલીસે ગુનો નોંધીને આરોપીને પકડવા તજવીજ ચાલુ કરેલ છે.
મોરબી સીટી એ ડિવિઝન પોલીસ સ્ટાફને મળેલ બાતમીના આધારે તેઓએ મોરબીના વજેપર શેરી નંબર ૧૧ માં ભાડાના મકાનમાં રહેતા હાર્દિક ઉર્ફે મદન પ્રભુભાઈ ગજરા જાતે ભાનુશાળી નામના શખ્સને ત્યાં મોડી રાત્રિના રેડ કરી હતી અને મકાનમાં સર્ચ કરવામાં આવતા રહેણાંક મકાનમાંથી પોલીસને વિદેશી દારૂની ૭૪ બોટલો મળી આવી હતી.જેથી હાલમાં રૂપિયા ૨૭,૭૫૦ ની કિંમતનો દારૂનો જથ્થો જપ્ત કરવામાં આવ્યો છે અને હાર્દિક પ્રભુ ગજરા નામના શખ્સ સામે ગુનો નોંધીને તે ઘરે હાજર ન મળી આવતા તેની શોધખોળ શરૂ કરવામાં આવેલ છે.હાલમાં પીએસઆઇ આર.પી.રાણા દ્વારા આ અંગે તપાસ ચલાવવામાં આવી રહી છે.જ્યારે મોરબીના રાજપર (શનાળા) ગામે ઝેરી સાપ કરડી જતા કૈલાશ બાબુભાઈ નામના ૨૩ વર્ષના યુવાનને અહીંની સિવિલ હોસ્પિટલ ખાતે સારવાર માટે લાવવામાં આવ્યો હતો.
નવલખી પોર્ટ પાસે મારામારી
મોરબીના માળિયા મીંયાણા તાલુકાના મોટા દહીંસરા ગામે રહેતા વનરાજસિંહ નટુભા જાડેજા નામના ૩૭ વર્ષના યુવાનને મારામારીના બનાવમાં ઇજાઓ પહોંચી હતી.નવલખી પોર્ટ પાસે થયેલ મારામારીના બનાવમાં ઈજાઓ થતા વનરાજસિંહને મોરબી સિવિલ હોસ્પિટલે ખસેડાયા હતા.જેથી મોરબી સીટી એ ડિવિઝન પોલીસ મથકના એમ.જી.વાળા દ્વારા પ્રાથમિક તપાસ કરવામાં આવતા ખુલ્યુ હતુ કે ટ્રક ભરવા બાબતે થયેલ મારામારીના બનાવમાં ઇજાઓ તથા તેમને સારવારમાં ખસેડાયા હતા.જ્યારે ટંકારા તાલુકાના વિરવાવ ગામે રહેતા હિમાંશુ મનસુખભાઈ સોલંકી નામના ૨૫ વર્ષના યુવાનને મોરબીના રામચોક પાસે થયેલ મારામારીના બનાવમાં ઈજા થવાથી તેને પણ સારવાર માટે સિવિલ હોસ્પિટલ ખસેડવામાં આવ્યો હતો અને મોરબીના ઉમિયા સર્કલ પાસે રહેતા રાકેશભાઈ દામજીભાઈ નામના ૪૧ વર્ષના યુવાનનું બાઈક સ્લીપ થઈ જતા તેને સારવાર માટે ખસેડાયો હતો.
વાહન અકસ્માતમાં ઇજા
મોરબીના ટંકારા તાલુકાના વીરપર ગામે રહેતા અંબારામભાઈ ભવાનભાઈ મુંદડીયા (૬૩) અને કાંતાબેન અંબારામભાઈ (૫૨) બંને ગામના બસ સ્ટેશન પાસેથી બાઈકમાં જતા હતા ત્યારે રાજકોટ હાઇવે ઉપર અન્ય બાઇક સાથે તેઓની અથડામણ થતા ઇજાગ્રસ્ત થયેલા અંબારામભાઈ અને કાંતાબેનને સારવાર માટે મોરબી લાવવામાં આવ્યા હતા.જ્યારે મોરબીના નીલકંઠ એપાર્ટમેન્ટમાં રહેતા અયાન રાજેશભાઈ જસાણી નામનો સાત વર્ષનો બાળક પરસોતમ ચોક પાસે બાઈકમાંથી નીચે પડી જતા ઇજાગ્રસ્ત થતાં તેને ખાનગી હોસ્પિટલે સારવારમાં લઈ જવાયો હતો
એક બોટલ દારૂ
મોરબીના સનાળા રોડ ઉપર આવેલ રામચોકના ઢાળિયા પાસેથી પસાર થયેલા શખ્સને રોકીને પોલીસ ચેક કરતા તેની પાસેથી દારૂની એક બોટલ મળી આવી હતી જેથી પોલીસે સનાળા રોડ ઉપર આવેલ ગુજરાત હાઉસિંગ બોર્ડમાં રહેતા અજયભાઈ અશ્વિનભાઈ સોલંકી જાતે રાવળદેવ (ઉંમર ૨૪૦ નામના શખ્સની ૮૫૦ રૂપિયાની કિંમતની દારૂની એક બોટલ સાથે ધરપકડ કરી હતી અને તેની પાસેથી મળી આવેલ દારૂની બોટલથી ક્યાંથી લાવ્યો હતો તે દિશામાં તપાસ શરૂ કરવામાં આવી છે
એક બોટલ દારૂ
મોરબીના રવાપર રોડ ઉપર રાજ બેંક વાળી શેરીમાંથી પસાર થતાં શખ્સને રોકીને પોલીસે ચેક કર્યો હતો ત્યારે તેની પાસેથી દારૂની એક બોટલ મળી આવ્યો હતો હતો જેથી પોલીસે ૩૭૫ રૂપિયાના દારૂ સાથે આરોપી મુસ્તાકભાઈ બિલાલભાઈ શેખ જાતે સંધી મુસ્લીમ (૨૬) રહે. કાલિકા પ્લોટ વાળાની ધરપકડ કરેલ છે
