મોરબીના બેલા પાસે એક્સિસ બેંકના એટીએમને તોડવાનો પ્રયાસ: ત્રણને પોલીસે દબોચ્યા 

મોરબીમાં રવાપર રોડ ઉપર થોડા દિવસો પહેલા એટીએમ મશીનને તોડવાનો પ્રયાસ કરવામાં આવ્યો હતો ત્યાર બાદ આજે મોરબીના બેલા ગામ પાસે એટીએમ તોડવાનો પ્રયાસ કરવામાં અવાયો છે અને આ ઘટનાની તાત્કાલિક પોલીસને જાણ કરવામાં આવી હતી જેથી કરીને પોલીસે હાલમાં ત્રણ શખ્સને પકડીને ગુનો નોંધવા માટેની તજવીજ શરૂ કરી છે

મોરબીના બેલા ગામમાં એક્સિસ બેંકનું એટીએમ મશીન મૂકવામાં આવ્યું છે તેને રાત્રિ દરમ્યાન તોડવાનો પ્રયાસ કરવામાં આવ્યો હતો જો કે, સ્થાનિક ચા વાળાએ આ અંગેની તાત્કાલિક મોરબી તાલુકા પોલીસને જાણ કરી હતી જેથી કરીને પોલીસે ઘટના સ્થળે આવી ગઈ હતી અને ત્રણ શખ્સોને પોલીસે દબોચી લીધા છે અને જે શખ્સોને પોલીસ હાલમાં પકડેલ છે તે ત્રણેય પંજાબના હોવાનું પ્રાથમિક તપાસમાં સામે આવ્યું છે હાલમાં આ બનાવમાં ફરિયાદ લેવા માટેની તજવીજ શરૂ કરવામાં આવી છે મોરબી પંથકમાં વારંવાર સિક્યુરિટી ગાર્ડ વગરના એટીએમ મશીનને નિશાન બનાવવામાં આવી રહયા છે ત્યારે ચોરીની ઘટનાઓને રોકવા માટે પોલીસે દ્વારા પેટ્રોલિંગ વધારવામાં આવે અને બેંક દ્વારા એટીએમ મશીનમાં સિક્યુરિટી ગાર્ડ મૂકવામાં આવે તે જરૂરી છે