મોરબીના બે ગોડાઉનમાંથી વિદેશી દારૂના જથ્થા સાથે ઝડપાયેલા ત્રણ બુટલેગર જેલ હવાલે
SHARE
JOIN OUR GROUP
મોરબીના બે ગોડાઉનમાંથી વિદેશી દારૂના જથ્થા સાથે ઝડપાયેલા ત્રણ બુટલેગર જેલ હવાલે
મોરબીના પીપળી ગામની સીમ તથા શકત શનાળા જી.આઇ.ડી.સી. ખાતે જુદાજુદા બે ગોડાઉનમાં દારૂની રેડ કરવામાં આવી હતી ત્યારે વિદેશી દારૂની નાની મોટી ૧૮૯૬ બોટલો મળી આવી હતી અને પોલીસે ૯,૩૪,૬૨૦ નો દારૂ તેમજ અન્ય મુદામાલ મળી કુલ ૨૦,૦૪,૬૨૦ નો મુદામાલ કબ્જે કરીને ત્રણ આરોપીની ધરપકડ કરી હતી અને આ આરોપીઓના રિમાન્ડ પૂરા થતાં તેને જેલ હવાલે કરવામાં આવેલ છે.
મોરબીમાં થોડા દિવસો પહેલા પીપળી ગામની સીમમાં આવેલ રોયલ ઇન્ડસ્ટ્રીઝ એસ્ટેટ પ્લોટ નંબર ૧૭ વાળા ગોડાઉનમાં તથા શનાળા જી.આઇ.ડી.સી.માં ધર્મેશભાઇ પ્રજાપતીના ગોડાઉનમાં દારૂની રેડ કરી હતી ત્યારે ફડસર ગામે રહેતો ભરતભાઇ નારણભાઇ ડાવેરા (બોરીચા) તથા તેના ભાગીદાર મુકેશ પૌરારામ બિશ્નોઇ રહે. સરણાઉ તાલુકો સાચૌર વાળાએ બન્ને ગોડાઉન ભાડે રાખી તેમાં દારૂનો જથ્થો રાખ્યો હોવાનું સામે આવ્યું હતું જેથી પોલીસે જુદીજુદી બ્રાન્ડની કુલ મળીને ૧૮૯૬ બોટલો તેમજ મહીન્દ્રા બોલેરો પીકઅપ બે ગાડી, એક બાઇક, ચાર મોબાઇલ આમ કુલ ૨૦,૦૪,૬૨૦ નો મુદામાલ કબ્જે કર્યો હતો અને આરોપી ભરતભાઇ નારણભાઇ ડાવેરા જાતે બોરીચા, રતનલાલ સાજનરામ ગોદરા જાતે બિશ્નોઇ અને પારસ ખીયારામ તેતરવાલ જાતે બિશ્નોઇની ધરપકડ કરી હતી અને તેને કોર્ટમાં રજૂ કરીને રિમાન્ડ મેળવ્યા હતા જે રિમાન્ડ પૂરા થતાં આરોપીઓને જેલ હવાલે કરવામાં આવેલ છે.
