મોરબીના રંગપર ગામની સીમમાં આદિવાસી યુવાનનો મૃતદેહ મળ્યો

મોરબીના જેતપર રોડ ઉપર આવેલ રંગપર ગામની સીમમાં આદિવાસી યુવાનનો મૃતદેહ મળી આવ્યો હતો જેથી તેના મૃતદેહને મોરબીની સિવિલ હોસ્પિટલ ખાતે ખસેડવામાં આવ્યો છે અને આ બનાવની મોરબી તાલુકા પોલીસની જાણ કરવામાં આવતા પોલીસે બનાવવી નોંધ કરી આગળની રાબેતા મુજબની કાર્યવાહી હાથ ધરી છે વધુમાં પોલીસ પાસેથી જાણવા મળતી માહિતી પ્રમાણે ઊંચાઈ ઉપરથી પડવાના કારણે આદિવાસી યુવાનનું મોત થયું હોય તેવું હાલમાં દેખાઈ રહ્યું છે જો કે પોલીસે આગળની તપાસ શરૂ કરેલ છે

બનાવની જાણવા મળતી માહિતી પ્રમાણે મોરબીના જેતપર ઉપર રંગપર ગામની સીમમાં આવેલ મહાદેવ મિનરલના લેબર ક્વાર્ટરમાં રહેતો સુનિલ રમેશભાઈ મેડા જાતે આદિવાસી નામના યુવાનનો મૃતદેહ રંગપર ગામની સીમમાંથી મળી આવ્યો હતો જેથી તેના મૃતદેહને મોરબીની સિવિલ હોસ્પિટલ કહે લઈ આવ્યા છે અને આ બનાવની મોરબી તાલુકા પોલીસને જાણ કરવામાં આવતા મોરબી તાલુકા પોલીસની ટીમ સિવિલ હોસ્પિટલે પહોચી છે અને મોરબી તાલુકા પોલીસ સ્ટેશનના ફિરોજભાઈ સુમરા પાસેથી જાણવા મળતી વિગત પ્રમાણે ઊંચાઈ ઉપરથી પડી જવાના કારણે યુવાનનું મોત થયું હોય તેવું હાલમાં દેખાઈ રહ્યું છે જો કે, આગળની તપાસ ચાલુ છે

અકસ્માતમાં ઇજા

કોંઢ ગામે મેલડી માતાજીના મંદિર પાસે બાઈક સ્લીપ થઈ ગયું હતું જેથી ગમલાભાઈ ખલજીભાઈ નાયકા (૫૩) રહે કોંઢ વાળાને ઈજાઓ થઈ હતી જેથી તેને સારવાર માટે મોરબીની આયુષ હોસ્પિટલમાં ખસેડવામાં આવેલ છે અને આ બનાવની પોલીસને જાણ કરવામાં આવતા પોલીસે બનાવવાની નોંધ કરી રાબેતા મુજબની કાર્યવાહી હાથ ધરી છે