મોરબીમાં રેલવે ઓફિસ પાસે કચરો સળગાવતા સમયે કેરોસીનનો શીશો આગમાં પડતાં દાઝી ગયેલ રેલ્વે કર્મચારી સારવારમાં

મોરબીના રેલ્વે સ્ટેશન પાસે આવેલ સિનિયર સેક્શન એન્જિનિયરની ઓફિસ પાસે રેલ્વે કર્મચારી દ્વારા કચરો સળગાવવાની કામગીરી કરવામાં આવી રહી હતી ત્યારે કેરોસીન ભરેલ શીશો આગમાં પડી ગયો હતો જેથી કરીને ભડકા થયા આગમાં દાઝી જવાથી રેલ્વે કર્મચારીને સારવાર માટે રાજકોટની ખાનગી હોસ્પિટલમાં ખસેડવામાં આવેલ છે અને આ બનાવની મોરબી સિટી એ ડિવિઝન પોલીસને જાણ કરવામાં આવતા પોલીસે બનાવની નોંધ કરીને આગળની કાર્યવાહી કરેલ છે

બનાવની જાણવા મળતી માહિતી પ્રમાણે મોરબીના રેલ્વે સ્ટેશન પાસે નવલખી રોડ ઉપર આવેલ સિનિયર સેક્શન એન્જિનિયરની ઓફિસ પાસે રેલવેમાં ફરજ પર હાજર રહેલા બીપીન ભાનુભાઇ હાઠિયા (૩૫) રહે. ન્યુ રેલવે કોલોની વાળા ગઇકાલે બપોરના સમયે ઓફિસ પાસે આગ લગતા ગંભીર રીતે દાજી ગયેલ હતા જેથી કરીને તેને તાત્કાલિક ૧૦૮ મારફતે મોરબીની સિવિલ હોસ્પિટલ ખાતે સારવારમાં લઈ જવામાં આવ્યો હતો અને ત્યાંથી વધુ સારવાર માટે રાજકોટની ખાનગી હોસ્પિટલમાં લઈ જવામાં આવ્યો હતો અને આ બનાવની મોરબી સિટી  એ ડિવિઝન પોલીસ સ્ટેશને જાણ કરવામાં આવી હતી જેથી એ ડિવિઝન પોલીસ સ્ટેશનના એ.એમ.ઝાપડિયાએ આગળની તપાસ શરૂ કરી હતી અને તેની પાસેથી જાણવા મળતી માહિતી મુજબ ગઇકાલે ઓફિસ પાસે કચરો સળગાવવાનું કામ બીપીનભાઈ કરી રહ્યા હતા ત્યારે કેરોસીન ભરેલ શીશો ચાલુ આગમાં પડ્યો હતો જેથી ભડકો થતાં તે ગંભીર રીતે દાજી ગયેલ છે જેથી પોલીસે મામલતદારની હાજરીમાં નિવેદન લઈને આગળની કાર્યવાહી કરેલ છે