હળવદમાં પોલીસ લાઈનની બાજુમાં વૃદ્ધાના ગળામાંથી ચેનની ચીલઝડપ કરનાર બે શખ્સોની સામે ગુનો નોંધાયો
SHARE
JOIN OUR GROUP
હળવદમાં પોલીસ લાઈનની બાજુમાં વૃદ્ધાના ગળામાંથી ચેનની ચીલઝડપ કરનાર બે શખ્સોની સામે ગુનો નોંધાયો
હળવદમાં પોલીસ લાઈનની બાજુમાંથી પસાર થતાં વૃદ્ધાના ગળામાંથી સોનાના ચેનની ચીલ ઝડપ કરવામાં આવી હતી અને વૃદ્ધાને ધક્કો મારીને પછાડી દેવામાં આવ્યા હતા જેથી ઇજા પામેલા વૃદ્ધાને સારવાર માટે મોરબી ખસેડાયા હતા અને ત્યારબાદ ભોગ બનેલ વૃદ્ધાએ હળવદ તાલુકો પોલીસ સ્ટેશન ખાતે અજાણ્યા બે શખ્સોની સામે ફરિયાદ નોંધાવતા પોલીસે ચીલઝડપનો ગુનો નોંધીને આરોપીઓને શોધવા માટે થઈને તજવીજ શરૂ કરેલ છે
બનાવની જાણવા મળતી વિગત પ્રમાણે હળવદમાં પોલીસ લાઈનની બાજુમાં રહેતા મંજુલાબેન મહાદેવભાઇ પ્રજાપતિ (૬૪) એ હાલમાં હળવદ તાલુકા પોલીસ સ્ટેશન ખાતે અજાણ્યા બે શખ્સોની સામે ફરિયાદ નોંધાવેલ છે કે, તેઓ બે દિવસ પહેલા રાત્રિના સમયે દૂધ લઈને પોતાના ઘર તરફ જતા હતા ત્યારે અજાણ્યા શખ્સો દ્વારા તેનો પીછો કરવામાં આવ્યો હતો અને તેના ગળામાં પહેરેલ સોનાના ચેનને જુટવવા જતા સોનાના ચેનના ટુકડા થઈ ગયા હતા અને અંદાજે ૮ ગ્રામ સોનાનો ચેન જેની કિંમત ૪૦૦૦૦ નો સોનાનો ચેન જૂઠવીને બંને શખ્સો નાસી છૂટ્યા હતા તેમજ ચીલઝડપ સમયે વૃદ્ધાને ધક્કો મારીને પછાડી દીધા હતા જેથી તેઓને ડાબા પગના ઢીંચણમાં અને જોઈન્ટના સ્નાયુઓમાં નુકસાન થયું હોવાથી તેઓને તાત્કાલિક સારવાર માટે મોરબી લઈને આવ્યા હતા અને સારવાર લીધા બાદ તેમણે હળવદ તાલુકા પોલીસ સ્ટેશન ખાતે બે શખ્સની સામે ફરિયાદ નોંધાવતા પોલીસે લાલ કલરના બજાજ પલ્સરમાં આવેલા અને ચીલઝડપ કરીને નાશી છૂટેલા બંને શખ્સોને પકડવા માટે થઈને તજવીજ શરૂ કરેલ છે
બે બોટલ દારૂ
મોરબીના સામાકાંઠા વિસ્તારમાં વાંકાનેર હાઇવે ઉપર આવેલ શક્તિ ચેમ્બર પાસે સર્વિસ રોડ ઉપરથી પસાર થતાં શખ્સને રોકીને પોલીસે ચેક કરતા તેની પાસેથી દારૂની બે બોટલ મળી આવી હતી જેથી પોલીસે ૭૫૦ રૂપિયાની કિંમતની દારૂની બોટલ કબજે કરી હતી અને દારૂની બોટલો સાથે પોલીસે કુમારભાઈ જાદવભાઈ સિંધવ જાતે સલાટ (૩૩) રહે. જાંબુડીયા વાળાની ધરપકડ કરેલ છે
