હવે પર્યાવરણ-દેશને થશે ફાયદો, મોરબી રેલ્વે સ્ટેશને આવ્યું પ્રથમ વખત ઇલેક્ટ્રિક રેલવે એન્જિન: અધિકારી
Morbi Today
મોરબીના પીપળીયા નજીક પેપર મીલમાં બોઇલરની ગરમ રાખમાં દાઝી જતા માતા-પુત્ર સારવારમાં
SHARE
JOIN OUR GROUP
મોરબીના પીપળીયા નજીક પેપર મીલમાં બોઇલરની ગરમ રાખમાં દાઝી જતા માતા-પુત્ર સારવારમાં
મોરબીના પીપળીયા ચોકડી નજીક જામનગર રોડ ઉપર આવેલ પેપર મિલના કારખાનામાં બોઇલરની ગરમ રાખમાં દાઝી જવાથી મહિલા તથા તેના ત્રણ વર્ષના પુત્રને સારવાર માટે મોરબી લાવવામાં આવ્યા હતા અને અહીંથી મહીલાના પુત્રને વધુ સારવાર માટે રાજકોટ ખસેડાયો હોવાનું જાણવા મળેલ છે.
બનાવી જાણવા મળતી માહિતી મુજબ મોરબી તાલુકાના વીરપરડા ગામ પાસે લેમેન્જા પેપર મિલમાં રહેતા મધુબેન બબલુ કોઠારી (૨૫) અને તેનો દીકરો લકી બબલુ કોઠારી (૩) ગંભીર રીતે દાજી ગયા હોવાથી તેને પ્રથમ સારવાર માટે મોરબીની ક્રિષ્ના હોસ્પીટલમાં લઈને આવ્યા હતા અને ત્યાંથી લકી કોઠારીને વધુ સારવાર માટે રાજકોટ ખાતે લઈ જવામાં આવેલ છે જેથી કરીને આ બનાવવાની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરીને રાબેતા મુજબની છે વધુમાં પોલીસ સૂત્રો પાસેથી જાણવા મળતી માહિતી મુજબ પીપળીયા આમરણ રોડ ઉપર આવેલ લેમેન્જા પેપર મિલ નામના કારખાનામાં બોઇલરની ગરમ રાખ કાઢીને મૂકી હતી જે ગરમ રેતીમાં દાજી જવાથી મહિલા અને તેનું બાળક દાઝી જતાં તેને સારવાર માટે પ્રથમ મોરબીની ક્રિષ્ના હોસ્પિટલ ખાતે લઈને આવ્યા હતા અને ત્યાંથી બાળકને રાજકોટ સિવિલ હોસ્પિટલ ખાતે સારવારમાં લઈને ગયા છે આ બનાવની પોલીસે નોંધ કરીને રાબેતા મુજબની કાર્યવાહી હાથ ધરેલ છે
વાહન અકસ્માતમાં ઇજા
મોરબીના સામાકાંઠે હળવદ રોડ ઉપર આવેલા ઘુંટુ ગામે રહેતા ગીતાબેન ગાયત્રીપ્રસાદ દવે નામના ૬૬ વર્ષીય મહિલા બાઇકમાં બેસીને ઘુંટુથી હરિઓમ પાર્ક તરફ જતા હતા ત્યારે રસ્તામાં તેઓનું બાઈક સ્લીપ થઈ જતા પડી જતા તેઓને ઇજાઓ થતા સારવારમાં સામાકાંઠે આવેલ શિવમ હોસ્પીટલે ખસેડાયા છે.બનાવ સંદર્ભે તાલુકા પોલીસ મથકના જિજ્ઞાસાબેન કણસાગરા તપાસ ચલાવી રહ્યા છે.
મારામારીમાં ઇજા
મોરબીના ગ્રીનચોક પાસે આવેલ રબારીવાસમાં રહેતા હરેશભાઈ ગોપાલભાઈ ઝાપડા (૨૦) ને મારામારીના બનાવવામાં ઈજા થયેલ હોવાથી તેને મોરબીની સિવિલ હોસ્પિટલ ખાતે સારવારમાં આવ્યા છે અને મારામારીના બનાવની સ્થાનિક પોલીસને જાણ કરવામાં આવી છે
અકસ્માતમાં ઇજા
મોરબીના શનાળા રોડ ઉપર આવેલ નવા બસ સ્ટેન્ડ પાસે વાહન અકસ્માતનો બનાવ બન્યો હતો જે બનાવવામાં રામકેસ શિવલાલ વાણંદ (૩૦) નામના યુવાને ઈજા થઈ હોવાથી તેને મોરબીની સિવિલ હોસ્પિટલ ખાતે સારવારમાં લઈને આવ્યા હતા અને અકસ્માતના બનાવની મોરબી એ ડિવિઝન પોલીસને જાણ કરવામાં આવી છે
ફિનાઇલ પીધૂ
માળીયા મીયાણા તાલુકાના ન્યુ નવલખીમાં રહેતા અકબર સાલેમાન સતાર (૨૫) નામના યુવાને ફિનાઈલ પી લેતા તેને સારવાર માટે મોરબીની સિવિલ હોસ્પિટલમાં લાવ્યા હતા અને આ બનાવની હાલમાં મોરબી સીટી એ ડિવિઝન પોલીસને જાણ કરવામાં આવી છે અને તેના મારફતે માળિયા તાલુકા પોલીસને બનાવની જાણ કરવામાં આવશે
