ગ્રામજનોની જીત : મોરબીના પાનેલી ગામે નવું ગામતળ મંજૂર
SHARE
JOIN OUR GROUP
ગ્રામજનોની જીત: મોરબીના પાનેલી ગામે નવું ગામતળ મંજૂર
મોરબીના પાનેલી ગામે ગ્રામ સભામા મોટી સંખ્યામાં ગ્રામજનો હાજર રહ્યા હતા અને પોતાના હક્ક માટે લોકોમાં અભુતપૂર્વ જાગૃતિ જોવા મળી હતી અને આ ગામના લોકો માટે ગામતળ મંજૂર કરાવવા માટે ગામના લોકોએ ગામના સરપંચ ગૌતમભાઈ હડિયલને તમામ સહયોગ આપવાની ખાતરી આપેલ હતી તેવામાં નવું ગામતળ મંજૂર કરી દેવામાં આવ્યું છે જેથી કરીને ગામના લોકોમાં હર્ષની લાગણી છે.
સરપંચે જણાવ્યુ હતું કે, છેલ્લા બે દિવસથી સાંસદ મોહનભાઈ કુંડારીયાને સમસ્ત પાનેલી ગામની ગામતળ માટેની માંગણી અને રજુઆત કરવામાં આવી હતી અને આ સફળ રજુઆતને ધ્યાને રાખીને જીલ્લા કલેકટરના માર્ગદર્શન હેઠળ દ્વારા પ્રાંત અધિકારી, સર્કલ ઓફિસર, મામલતદાર, તાલુકા વિકાસ અધિકારી, તલાટી કમ મંત્રી બધા જ એકબીજા સાથે સંકલન કરીને ગામતળ મંજૂર કરતો હુકમ કરીને રૂબરૂ પાનેલી ગ્રામ પંચાયતે આવીને સરપંચ ગૌતમભાઈ હડિયલને હાથોહાથ તેનો હુકમ આપવામાં આવેલ છે જેથી સમસ્ત પાનેલી ગ્રામજનો તથા મોહનભાઈ કુંડારીયા, કલેકટર, પ્રાંત અધિકારી, મામલતદાર તથા સર્કલ ઓફિસરનો સરપંચ દ્વારા આભાર વ્યક્ત કરવામાં આવેલ છે.
