મોરબી જિલ્લાની ત્રણ બેઠકો માટે કેવી રીતે લેવાશે ભાજપની સેન્સ ?: કોણ આવશે સેન્સ લેવા ?
Morbi Today
મોરબીના માધાપર શેરી નં- 19 માં છોકરાની બાબતે શરૂ થયેલ ઝઘડામાં ફાયરિંગ: બેને ઇજા થતાં સારવારમાં ખસેડાયા
SHARE
JOIN OUR GROUP
મોરબીના માધાપર શેરી નં- 19 ની અંદર મોડી રાત્રિના સમયે બે પાડોશીઓ વચ્ચે છોકરા બાબતે માથાકૂટ થઈ હતી અને ત્યારબાદ ત્યાં મારામારી થઈ હતી અને હવામાં ફાયરિંગ કરવામાં આવ્યા હોવાની ઘટના સામે આવી રહી છે આ બનાવની મોરબી એ ડિવિઝન પોલીસને જાણ કરવામાં આવતા પોલીસ કાફલો ઘટના સ્થળે પહોંચ્યો છે અને આ મારામારી તેમજ ફાયરિંગની ઘટનામાં બે વ્યક્તિઓને ઈજા થઈ હોવાનું સુત્રો પાસેથી જાણવા મળી રહ્યું છે
આજરોજ ન માત્ર મોરબી પરંતુ ગુજરાતમાં લોકો વર્ષની એક મેકને શુભેચ્છાઓ લોકો પાઠવી રહ્યા છે ત્યારે જો વાત કરીએ મોરબીની તો મોરબીના માધાપર શેરી નં- 19 માં છોકરાની બાબતે મહિલાઓ વચ્ચે બોલાચાલી થઈ હતી અને ત્યારબાદ મારામારીનો બનાવ બન્યો હતો અને આ બનાવમાં હવામાં ફાયરિંગ કરવામાં આવ્યા હોવાનું હાલમાં સૂત્ર પાસેથી જાણવા મળી રહ્યું છે અને આ ઘટનાની મોરબી જિલ્લા કંટ્રોલરૂમને જાણ કરવામાં આવ્યા બાદ હાલમાં મોરબી સીટી એ ડિવિઝન પોલીસ સ્ટેશનનો કાફલો ઘટના સ્થળે પહોંચ્યો છે
સૂત્રો પાસેથી જાણવા મળતી વિગત પ્રમાણે મોરબી માધાપર શેરી નં- 19 માં રહેતા નગરપાલિકાના પૂર્વ કર્મચારીના પરિવારના બાળકની સાથે તે વિસ્તારની અંદર ભાડે રહેવા માટે આવેલ કોળી પરિવાર દ્વારા માથાકૂટ કરવામાં આવી હતી અને મહિલાઓ સામસામે આવી ગઈ હતી અને આ ઘટના આટલેથી નહીં અટકતા ભાડે રહેવા માટે આવેલા કોળી શખ્સ દ્વારા બહારથી વ્યક્તિઓને ત્યાં માથાકૂટ કરવા માટે બોલાવવામાં આવ્યા હતા અને બહારથી આવેલા એક દ્વારા પોતાની પાસે રહેલ હથિયારમાંથી હવામાં ફાયરિંગ કરવામાં આવ્યા હતા
જોકે ફાયરીંગ કરવામાં આવેલ ગોળી એક નિર્દોષ બાળકને ઇજા કરીને નીકળી હોવાનું લોકોમાં ચર્ચાઇ રહ્યું છે અને મારામારીના બનાવમાં એક વ્યક્તિને ઈજા થઈ હતી આમ કુલ મળીને બાળકોની માથાકૂટથી શરૂ થયેલ આ ઘટનામાં ફાયરિંગ પણ થયેલ છે અને નિર્દોષ બાળક સહિત બે વ્યક્તિઓને ઇજાઓ થઈ હોવાથી તેને સારવારમાં ખસેડવામાં આવ્યા છે અને હાલમાં આ બનાવ સંદર્ભે અન્ય કોઈ બખેડો ન થાય તે માટે માધાપર વિસ્તારમાં પોલીસનો કાફલો ખડકી દેવામાં આવ્યો છે અને ફરિયાદ લેવા માટેની તજવીજ શરૂ કરવામાં આવ્યો જાણવા મળ્યું છે
