ટંકારાના સજનપર ગામે પરણીતાએ ઝેરી દવા પી લેતા સારવારમાં ખસેડાઇ

ટંકારા તાલુકાના સજનપર ગામે રહેતી પરણીતાએ કોઈ કારણોસર ઝેરી દવા પી લેતા તેને સારવાર માટે મોરબીની ખાનગી હોસ્પિટલમાં ખસવામાં આવી છે અને આ બનાવની ટંકારા તાલુકા પોલીસની જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે

જાણવા મળતી વિગત પ્રમાણે ટંકારા તાલુકાના સજનપર ગામની સીમમાં અશોકભાઈ બરાસરાની વાડીએ રહેતા અને મજૂરી કામ કરતા ગંગાબેન આકાશભાઈ ધાકાણ (૨૦) નામની પરણીતાએ ઝેરી દવા પી લીધી હતી જેથી તેને સારવાર માટે મોરબીની ખાનગી હોસ્પિટલમાં ખસેડવામાં આવેલ છે અને આ બનાવની ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે વધુમાં પોલીસ પાસેથી જાણવા મળતી વિગત મુજબ પરણીતાનો લગ્ન ગાળો એક વર્ષનો છે અને સાસુ સસરાથી તે અલગ રહે છે જોકે પરણીતાએ કયા કારણોસર ઝેરી દવા પીધી હતી તે દિશામાં હાલમાં પોલીસે તપાસ શરૂ કરેલ છે