મોરબીમાં મચ્છી પીઠ પાસે જુગાર રમતા ત્રણ જુગારી ૧૨૭૦૦ ની રોકડ સાથે ઝડપાયા.

મોરબીમાં જુના બસ સ્ટેન્ડની પાછળના ભાગમાં મચ્છી પીઠ પાસે જુગાર રમતા હોવાની બાતમી મળી હતી જેના આધારે સ્થાનિક પોલીસે ત્યાં જુગારની રેડ કરી હતી ત્યારે ત્રણ શખ્સો જુગાર રમતા મળી આવ્યા હતા જેથી પોલીસે તેની પાસેથી ૧૨૭૦૦ ની રોકડ કબજે કરી હતી અને જુગાર ધારા હેઠળ ગુનો નોંધીને રાબેતા મુજબની કાર્યવાહી હાથ ધરી હતી

બનાવની જાણવા મળતી માહિતી મુજબ મોરબીના જુના બસ સ્ટેન્ડની પાછળના ભાગમાં મચ્છીપીઠ પાસે જાહેરમાં જુગાર રમતા હોવાની સ્થાનિક પોલીસને બાતમી મળી હતી જેના આધારે પોલીસે ત્યાં જુગારની રેડ કરતા નીજામભાઈ સલીમભાઈ મોવર જાતે મિયાણા (૨૦), ભુપેન્દ્રસિંહ ખોડુભા પરમાર જાતે દરબાર (૫૪) અને કાંતિલાલ ઉર્ફે મિથુન દેવરાજભાઈ ડાભી જાતે સતવારા (૫૦) જુગાર રમતા મળી આવ્યા હતા જેથી પોલીસે તેઓની પાસેથી ૧૨૭૦૦ ની રોકડ કબજે કરી હતી અને જુગારધારા હેઠળ આગળની કાર્યવાહી હાથ ધરવામાં આવી હતી. 

હાર્ટ એટેક

મોરબી નજીકના મહેન્દ્રનગર ગામે આવેલ ધર્મમંગલ સોસાયટીમાં રહેતા પીતાંબરભાઈ પોપટભાઈ ગોઠી (૬૨) પોતાના ઘરે હતા ત્યારે હાર્ટ અટેક આવી હતા જેથી તેને સિવિલે લઈને આવ્યા હતા ત્યાં ફરજ ઉપરના ડોકટરે તેને મૃત જાહેર કર્યા હતા અને આ બનાવની પોલીસને જાણ કરવામાં આવતા બી ડિવિઝન પોલીસે આ બનાવની નોંધ કરીને રાબેતા મુજબની કાર્યવાહી હાથ ધરી હતી.